ده‌سه‌ڵاتدارانی ئێران دوێنێ شه‌ممه بڵاویان كرده‌وه كه لیوا عه‌بدول ره‌سوڵ ئه‌سته‌وار مه‌حمود ئابادی، فه‌رمانده‌یه‌كی سه‌ربازی باڵا له سوپای پاسدارانی ئێران به ڤایرۆسی كۆرۆنا گیانی له‌ده‌ستداوه.
له‌مباره‌یه‌وه ئاژانسی ته‌سنیم-ی ئێران رایگه‌یاندووه كه ئه‌و فه‌رمانده‌یه‌ی سوپای پاسدارانی ئێران پێشتر له‌جه‌نگی ئێران –عێراق، تووشی هێرشی كیمیاوی بووه‌و به‌وهۆیه‌وه سییه‌كانی تووشی نه‌خۆشی بوونه‌ته‌وه و ئێواره‌ی دوێنیش به‌هۆی تووشبوونی به ڤایرۆسی كۆرۆنا گیانی له‌ده‌ستداوه.
هه‌روه‌ها ئاژانسه‌كه ئاماژه‌ی بۆ ئه‌مه‌ش كردووه كه ئابادی پێشتر شانبه‌شانی قاسم سوله‌یمانی،فه‌رمانده‌ی فه‌یله‌قی قودسی سه‌ر به سوپای پاسدارانی ئێران له‌شه‌ڕه‌كاندا جه‌نگاون.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.