لەژێر چاودێری لیژنەی ئابووری و پۆلیسی شارەوانی سۆران ھەفتەبازاری ھەینی کرایەوە.
دوابەدوای ھەفتەی رابردوو لەلایەن پۆلیسی شارەوانی بە فەرمانی ژووری ئۆپەراسیۆنی سۆران بۆ بەرەنگاربوونەوەی ڤایرۆسی کۆرۆنا، ھەفتە بازاری ھەینی بەرووی ھاووڵاتیان داخرا، بەھۆی بەرکەوتەی زۆر و پابەندنەبوون بە رێنماییەکان، پاشان تیمێکی نوێنەرانی ئەو کاسبکارانە سەردانی قائمقامیەتی قەزای سۆرانیان کردو بە داواکاریەک لە قائمقامیەتی قەزای سۆران ئەمرۆ هه‌ینی لەژێر چاودێری لیژنەی ئابووری سۆران و پۆلیسی شارەوانی سۆران ئەو بازارە کرایەوە، مەرجی کرانەوەی تەواو پابەندبوون بە رێنمایەکانی تەندروستی و کرانەوەی رێگای ھاتوچۆی ئۆتۆمبێل به ئاراسته‌یه‌كی رۆیشتن.
جێی باسە تیمی لیژنەی ئابووری سۆران لەژێر چاودێری بەرێز مغدید عریف ئەحمەد قائمقامی قەزای سۆران بە ھەماھەنگی و ھاوکاری پۆلیسی شارەوانی سۆران ئەمرۆ سەردانی ئەو بازارەیان کردو و لەنزیکەوە چاودێری بەردەوام دەکرێن.
کۆمێنت (0)
تا ئێستا هیچ کۆمێنتێک نەکراوە.