ده‌سته‌ی وه‌به‌رهێنانی كوردستان ڕێگری له هاتنی كرێكاری بیانی بۆ هه‌رێمی كوردستان ده‌كات. سامان عاره‌ب، به‌ڕێوه‌به‌ری ده‌سته‌ی وه‌به‌رهێنانی هه‌ولێر به كوردستان تیڤی راگه‌یاند: دوای هه‌موواركردنه‌وه‌ی یاسای وه‌به‌رهێنان بڕیاردرا به ڕێگریكردن له هاتنی كرێكاری بیانی بۆ هه‌رێمی كوردستان ئه‌مه‌ش له‌پێناو كه‌مكردنه‌وه‌ی ڕێژه‌ی بێكاری له هه‌رێمی كوردستان و خستنه سه‌ر كاری ده‌رچووانی زانكۆ و په‌یمانگاكان و گه‌نجانمان.
سه‌باره‌ت به‌و پڕۆژانه‌ی كه مۆڵه‌تیان پێده‌درێت له هه‌رێمی كوردستان سامان عاره‌ب ئاماژه‌ی به‌وه‌دا: ده‌ستی كاری خۆماڵی له‌سه‌رجه‌م پڕۆژه‌كان كه لای ئێمه مۆڵه‌ت وه‌رده‌گرن جگه له كارمه‌ندی ته‌كنیكی ده‌بێت سه‌رجه‌م كارمه‌ند و كرێكارانیان خۆماڵی بێت.
له‌باره‌ی ئه‌و پڕۆژه گه‌وره‌ی وه‌به‌رهێنه چینییه‌كان كه له هه‌ولێر دروست ده‌كرێت به‌ڕێوه‌به‌ری وه‌به‌رهێنانی هه‌ولێر ڕایگه‌یاند: له‌و پڕۆژه‌ی كه وه‌به‌رهێنه چینییه‌كان له هه‌ولێر ئه‌نجامی ده‌ده‌ن سوودێكی زۆری بۆ خستنه سه‌ر كاری گه‌نجان و ده‌رچووانی زانكۆ و په‌یمانگاكان ده‌بێت چونكه پڕۆژه‌یه‌كی زۆر گه‌وره‌یه پێشبینی ده‌كه‌ین به‌شێوه‌یه‌كی خێراش كاره‌كانی دروستكردنی پڕۆژه‌كه به‌كۆتا بێت.
کۆمێنت (0)
تا ئێستا هیچ کۆمێنتێک نەکراوە.