وه‌زاره‌تی ته‌ندروستی عێراق ئامارێكی تایبه‌ت به ڤایرۆسی كۆرۆنای بڵاوكرده‌وه و رایگه‌یاند: له دوێنێه‌وه تا ئه‌مڕۆ 63 تووشبووی ڤایرۆسی كۆرۆنا گیانیان له‌ده‌ستداوه.
ئه‌مرۆ دووشه‌ممه 2020/10/19 وەزارەتی تەندروستی و ژینگه‌ی عێراق ئاماری 24 كاتژمێری تایبه‌ت به ڤایرۆسی كۆرۆنای بڵاوكرده‌وه رایگەیاند: چوار هەزار و 44 كه‌سی دیكه تووشی کۆرۆنا بوون، سێ هەزارو 55 تووشبوو بە تەواوەتی چاكبوونەتەوە و 63 تووشبووش گیانیان لەدەستداوە.
له راگه‌یه‌ندراوه‌كه‌ی وه‌زاره‌تی ته‌ندروستیدا هاتووه، تێکڕاى تووشبووان بە کۆرۆنا لە سه‌رتاسه‌ری عێراق گه‌یشته 430678 تووشبوو.
وه‌زاره‌تی ته‌ندروستی عێراق ده‌ڵێت: 363532 تووشبووش چاکبوونەته‌وه نه‌خۆشخانه‌كانیان جێهێشتووه، رێژه‌ی چاکبوونەوە واتا (84.4%)ى کۆى تووشبووان.
له به‌یاننامه‌كه‌ی وه‌زاره‌تی ته‌ندروستیدا هاتووه، ژماره‌ی گیان له‌ده‌ستدان له سه‌رتاسه‌ری عێراق تا ئه‌مرۆ دووشه‌ممه گه‌یشته 10317 كه‌س.
کۆمێنت (0)
تا ئێستا هیچ کۆمێنتێک نەکراوە.