ژماره‌ی گیان له‌ده‌ستدان به‌هۆی ڤایرۆسی كۆرۆنا له توركیا بۆ چوار كه‌س به‌رز بووه و ژماره‌ی تووشبووانیش گه‌یشته 359 كه‌س.
هه‌ر له‌و باره‌وه وەزیرى تەندروستیى توركیا، فەخرەددین كۆجا، سه‌باره‌ت به ڤایرۆسی كۆرۆنای نوێ رایگه‌یاند، نه‌خۆشێكمان له‌ده‌ستدا كه ته‌مه‌نی 85 ساڵ بوو، پێشتریش نه‌خۆشێكی دیكه به ڤایرۆسه‌كه راگه‌یه‌ندرا و به‌داخه‌وه تێكڕای ئه‌وانه‌ی به‌و هۆیه‌وه گیانیان له‌ده‌ستداوه بووه به چوار.
كۆجا، لە هەژمارى تایبەتى خۆى لە تویتەرەوە، روونكردنه‌وه‌یه‌كی بڵاوكرده‌وه و تیایدا رایگه‌یاند، له كۆی 1981 پشكنین كه له ماوه‌ی 24 كاتژمێری رابردوودا كراوه، 168 یان پۆزه‌تیڤ ده‌رچووه، ژماره‌ی نه‌خۆشه‌كانمان كه 191 بوو گه‌یشته 359 كه‌س.
کۆمێنت (0)
تا ئێستا هیچ کۆمێنتێک نەکراوە.