قەدەغەی هاتووچۆ سەنتەری قەزاو ناحیەکانیش دەگرێتەوە

شەوی چوارشەممە ڕێکەوتی 18/3/2020 لە دیوانی قائیمقامیەتمان کۆبوونەوەیەکی لایەنە پەیوەندارەکان سەبارەت بە خۆپارێزی لە ڤایرۆسی کۆرۆنا بەڕێوەچوو.

لە ڕاگەیەندراوێکدا، قائیمقامیەتی قەزای چۆمان ڕایگەیاند: بەمەبەستی جێبەجێکردنی فەرمانی کارگێڕی پارێزگای هەولێر ژمارە 349 لە 18/3/2020 سەبارەت بە نوێکردنەوەی قەدەخەکردنی هاتوچۆ لە سەرتاسەری پارێزگای هەولێر، لەشەوی چوارشەممە ڕێکەوتی 18/3/2020 لە دیوانی قائیمقامیەتمان کۆبوونەوەیەکی لایەنە پەیوەندارەکان سەبارەت بە خۆپارێزی لە ڤایرۆسی کۆرۆنا بەڕێوەچوو و ئەو بڕیارانەی نووسراوی پارێزگای هەولێر پەسند کران و دەچنە بواری جێبەجێکردن.

1_ لەڕۆژی پێنچشەمە 2020 /19/3 تا 2020 /23/3 بڕیاری قەدەخەکردنی هاتوچۆی ئۆتۆمبێل لە قەزاکەمان و هەرچوار ناحیەکان و سەنتەری قەزا لەگەڵ گوندەکان و بە پێچەوانەش لە ناحیەکان و گوندەکان بۆ سەنتەری قەزاکەمان ڕادەگیرێت.

2_ ئەو هاووڵاتیانەی کە کاری زۆر گرنگیان هەیە و دەیانەوێت لەنێوان قەزاکان و ناحیەکانی پارێزگای هەولێر هاتوچۆ بکەن، لەنێوان کاتژمێر 12ی شەو تا 5ی بەیانی ڕێگەیان پێدەدرێت.

3_ ئاڵوگۆڕی بازرگانی و هێنانی کەلوپەلی خۆراک و سەوزە و میوە و سووتەمەنی ئۆتۆمبێلەکانی شارەوانی و تەندروستی ڕێگەیان پێدەدرێت.

4_ جگە لە سوپەرمارکێت و مۆڵ و دوکانەکانی سەوزە و میوە، هیچ دوکانێکی دیکە مۆڵەتی کردنەوەیان پێنادرێت.

5_داوا لەهەموو هاووڵاتیانی سەنتەری قەزاکەمان دەکەین پابەندی ڕێنماییەکان بن تا بتوانین لەچوارچێوەی بەرنامەی خۆپارێزیدا سەرکەوتووبین.

بۆ پەیوەندیکردن بەلێژنەی ئابوری قەزای چۆمان، ئەم ژمارانە لە خزمەت هاووڵاتیان دەبن.
07828338278 07504073772