ده‌زگای رۆشنبیری و راگه‌یاندنی پارتی سه‌ره‌خۆشی له‌ خانه‌واده‌ی د. حەمید ئاکرەیی ده‌کات

ده‌زگای رۆشنبیری و راگه‌یاندنی پارتی دیموكراتی كوردستان په‌یامێكی سه‌ره‌خۆشی ئاراسته‌ی خانه‌واده‌ی خوالێیخۆشبێت د. حەمید ئاكرەیی ده‌كات ئه‌مه‌ ده‌قه‌كه‌یه‌تی:

به‌رێزان مالباتا هه‌ڤالێ تێكوشه‌ر د. حه‌مید ئاكره‌یى

خه‌مباربووین ب بهیستنا نوچه‌یێ كوچا داویێ یا هه‌ڤال و كادرێ دیارێ پارتیا مه‌ د. حه‌مید ئاكره‌یى. ب ڤێ هه‌لكه‌ڤتا خه‌مگین پرسه‌ و سه‌ره‌خوشیێن خۆ ئاراسته‌ى هنگۆ یێن به‌رێز و كه‌س و كار و هه‌مى مالباتا تێكوشه‌را هنگو و هه‌ڤالێن خودێ لێ خوشبووى دكه‌ین و شریكێ خه‌م و په‌ژاره‌یا هنگۆ یینه‌.

هه‌ڤال د. حه‌مید ئاكره‌یى پێشمه‌رگێ دێرین و كادرێ چالاك و به‌رنیاسێ پارتیا مه‌بوو. ل قوناغێن خه‌باتا رزگاریخوازیا مه‌دا رۆلێ هه‌ژى و دلسۆزانه‌ یێ خۆ گێرایه‌ و كه‌سایه‌تیه‌كێ به‌رچاڤ و نیشتیمان په‌روه‌ر بوو. هه‌ر وه‌ها ل بوارێ گه‌هاندن و ته‌كنه‌لۆژیا گه‌هاندنێ دا بۆ ماوێ (35) سالان كار كریه‌ وه‌ك ئه‌ندازیاره‌كێ شیاندار و شاره‌زا ل بجهگه‌هاندنا كار و ئه‌ركێن خۆ و خزمه‌ته‌كا زۆر ژى بۆ راگه‌هاندنا پارتیا مه‌ بتایبه‌ت رادیویا ده‌نگێ كوردستان كریه‌.

خودێ لێخوشبووى چه‌ندین به‌رپرسیاریێن حزبى و حكومى پێ هاتینه‌ راسپاردن كو ب هه‌مى دلسۆزى ڤه‌ بجه گه‌هاندینه‌. له‌وما ژ ده‌ستدانا وى تێكوشه‌رى زیانه‌كادى كه‌یه‌ بۆ پارتیا مه‌ و هه‌ڤالێن وى. هیڤیدارین هه‌ڤخه‌م و هه‌ڤسه‌نگه‌ر و دوست و هوگرێن هه‌ڤالێ كوچكرى جهێ دلئارامى و هه‌دارا هنگۆ و هه‌مى لایه‌كى بیت.

جاره‌كادى پرسه‌ و سه‌ره‌خوشیێن خۆ دووپات دكه‌ینه‌ڤه‌ و ژ خودایێ مه‌زن داخوازكارین سه‌بر و هه‌دارێ ب هه‌مى لایه‌كى ب به‌خشیت و گیانێ خودێ لێخوشبووى ب به‌هشتا به‌رینا خۆ شاد بكه‌ت

ده‌زگه‌هێ ره‌وشه‌نبیرى و راگه‌هاندنێ
یێ پارتى دیموكراتى كوردستان
2020/2/22