فازڵ میرانی، سکرتێری مەکتەبی سیاسیی پارتیی دیموکراتی کوردستان رایگەیاند، رێککەوتنی پارتی و یەکێتی یەکڕیزیی کورد بەرامبەر به ناحەزان بەهێزتر دەکات .
لە کاتی بەشداریکردنی لە یادی 60 ساڵەی بە ئاشکرا دەرچوونی رۆژنامەی خەبات، فازڵ میرانی به میدیاكانى راگەیاند، دامەزراندنی حکومەت و ریککەوتنی نێوان پارتی و یەکێتی دەبێتە هۆی دڵخۆشی خەڵکی کوردستان و یەکڕیزی کورد بەرامبەر بە پلانەکانی ناحەزانی کورد و کوردستان بەهێزتر دەکات.
لەبارەی گفتوگۆی پارتی لەگەڵ کۆمەڵی ئیسلامی کە دەیەوێ بەشداری حکومەت بکات، فازڵ میرانی وتى" پێمان باشە برادەرانی کۆمەڵیش لە دەرفەتێکدا ئێمە و ئەوان بگەینە قەناعەت و بەشداری لە حکومەتدا بکەن.
کۆمێنت (0)
تا ئێستا هیچ کۆمێنتێک نەکراوە.