به‌ وێنه‌.. به‌ هۆی چاڵێکه‌وه‌ ئاراسته‌ی شه‌قامێکی سه‌ره‌کی په‌کی که‌وت

شه‌وی ڕابردوو له‌ قه‌زای كه‌لار ئۆتۆمبیلێك كه‌وته‌ ناو چاڵێكی سه‌ر شه‌قامێكی گشتی شاره‌كه‌و به‌ هۆیه‌وه‌ زه‌ره‌رو زیانی ماددی لێكه‌وته‌وه‌.

له‌مباره‌یه‌وه‌ به‌ڕێوه‌به‌رایه‌تی پۆلیسی هاتووچۆی گه‌رمیان ڕایگه‌یاندووه‌: له‌ شه‌قامی ناوبازاڕی كه‌لار و له‌ سه‌رووی بنكه‌ی هاتووچۆی ناوشار ئۆتۆمبێلێكی جۆری فاو كه‌وته‌ چاڵێكی شه‌قامه‌كه‌وه‌.

ڕاشیگه‌یاندووه‌: ئه‌فسه‌ر و كارمه‌ندانی هاتووچۆ له‌سه‌ر ڕێگاكه‌ن بۆ ئاسانكاری هاتووچۆی هاوڵاتیان و شۆفێران و دروستنه‌بوونی گرفتی هاتووچۆ.

ئاماژه‌ی به‌وه‌ش كردووه‌: ئه‌و چاڵه‌ی ئۆتۆمبیله‌كه‌ی تێكه‌وتووه‌ به‌هۆی چاككردنه‌وه‌ی بۆڕی ئاوه‌وه‌ هه‌ڵكه‌نراوه‌ و دواتر پڕكراوه‌ته‌وه‌، به‌ڵام به‌هۆی بارانبارینه‌وه‌ چاڵه‌كه‌ به‌ته‌واوی تێك چووه‌ته‌وه‌ و بووه‌ته‌ هۆی ئاسته‌نگی شۆفێران.

پۆلیسی هاتووچۆ ڕاشیگه‌یاندووه‌: بۆسه‌لامه‌تی گیانی شۆفێران، كارمه‌ندانی هاتووچۆ ئاراسته‌ی شه‌قامه‌كه‌یان گۆڕیوه‌و ڕێگایه‌كی لاوه‌كیان كردۆته‌وه‌.