له‌راگه‌یاندراوێكدا كه‌وێنه‌یه‌ك ده‌ست ماڵپه‌ری كوردستان تیڤى كه‌وتووه ، ئیدارەی گەرمیان ڕونكردنەوەیەكی لەسەر بڕیاری پشووی ناوەندەكانی خوێندن و باخچەكانی ساوایان لەگەرمیان بڵاوكردەوەو ڕایدەگەیەنێت: بڕیارەكە لەسەربنەمای ڕاپۆرتە كەشناسی یەكان و ئاگاداركردنەوەكانی دەزگاكانی ئەو بوارەیە و گرتنەبەری ڕێوشوێنی پێویستە.
ئاماژه به‌وه‌ش ده‌كات كه ڕاگەیاندنی پشووی ناوەندەكانی خوێندن و باخچەكانی ساوایان لەگەرمیان ھاوكاتە لەگەڵ ڕاگەیاندنی پشوو لەھەندێك شاروشارۆچكەی كوردستان كەئەمەش لەسەربنەمای ڕاپۆرتە كەشناسی یەكان و ئاگاداركردنەوەكانی دەزگاكانی ئەو بوارەیە و گرتنەبەری ڕێوشوێنی پێویستە.
ئیداره‌ى گه‌رمیان راشیده‌گه‌ێنێت بۆ ئەگەری ڕودانی ھەرحاڵەتێكی نەخوازراو و خۆئامادەكردنێكە لەپێناو پاراستنی فێرخوازان و خوێندكاران و قوتابیاندا.
ئیدارەی گەرمیان ئاماژه به‌وه‌ش ده‌كات كه بەداخەوە ئەوەی كەدەیبینین ھەندێك ئەكاونت و پەیجی فەیسبووك ئەم ھەواڵە بەشێوەیەكی دیكە لێكدەدەنەوەو خراپ مامەڵەی لەگەڵ دەكەن و بەكارھێنانی ئەم بابەتە بۆ ترساندنی ھاووڵاتیان خزمەت بەھیچ لایەكمان ناكات؟، بۆیە داواكارین ھەمووان بەڕۆحێكی بەرپرسیارانەوە مامەڵەی لەگەڵ بكەن و خۆیان بەدوربگرن لەھەرجۆرە شائیعەو شێواندنێكی بەئەنقەست.
هه‌روه‌ها راشیده‌گه‌ێنێت كه دەزگاو دامەزراوە فەرمیەكانی حكومەت لەئەركی خۆیاندان و ھەرچی پێویست بێت ئەنجامی دەدەن و خەڵكی خۆبەخش و ئامێرەكانیشیان دیسان ھاتونەتەوە مەیدانی مەردایەتی و ھەوڵبدەن تەنھا لەگەڵ دامەزراوە فەرمییەكاندا مامەڵەبكەن و هۆكارو لینكی فەرمی بڵاوكراونەتەوە و لەبەردەستدان بەكاریان بێنن بۆ پەیوەندی.
دارشتنه‌وه‌ى هه‌واڵ - شوان عه‌زیز
کۆمێنت (0)
تا ئێستا هیچ کۆمێنتێک نەکراوە.