ئه‌مڕۆ یه‌كشه‌ممه 31 ى 3 ى 2019 ، له‌راگه‌یاندراوێكدا به‌ڕێوه‌به‌رایه‌تى پۆلیسى پارێزگای سلێمانى ده‌ستگیر كردنى باندێكى دزی كردنى راگه‌یاند
رایده‌گه‌یه‌نن هێزەكانی بنكەی پۆلیسی هەوارە بەرزەی سەربە بەشی پۆلیسی دەربەندیخان باندێكی 5 كەسییان دەستگیركرد كە هەستابوون بەدزینی ماتۆڕسكیلی هاوڵاتیان .
ئاماژه به‌وه‌ش ده‌كه‌ن كه دوای ئەوەی هێزەكانی بەشی پۆلیسی دەربەندیخان زانیارییان پێگەیشت كە باندێكی پێنج كەسی لەچەند ناوچەیەكی سنوری پارێزگای سلێمانییەوە دەچنە قەزای دەربەندیخان و ماتۆڕسكیلی هاوڵاتیان دەدزن ، هێزەكانی بنكەی پۆلیسی هەوارە بەرزەی سەربە بەشی پۆلیسی دەربەندیخان لێكۆڵینەوەو بەدواداچوونەكانیان دەستپێكردوو لە پلانێكی تۆكمەدا توانرا باندەكە دەستگیربكەن .
پۆلیسى سلێمانى راشیده‌گه‌ێنێت ، باندەكە لە پێنج كەس پێكهاتوون و دانیان ناوە بەتاوانەكەیاندا كە ماتۆڕسكیلی هاوڵاتیانیان لە قەزاكە دزیوە . لە ئێستادا سەرجەمیان بە بڕیاری دادوەرو بەپێی ماددەی 446 لەیاسای سزادانی عیراقی ڕاگیراون .
پۆلیسی سلێمانى ئاماژه به‌وه‌ش ده‌كات كه هێزەكانی بنكەی پۆلیسی هەوارە بەرزە تۆمەتبارێكی تریان دەستگیركرد كە هەستاوە بەسوتاندنی پێنج خانووی هاوڵاتیان لە دەوروبەری سنوری قەزای دەربەندیخان و لە ئێستادا بەفەرمانی دادوەرو بەپێی ماددەی 342 لەیاسای سزادانی عیراقی ڕاگیراوە .
دارشتنه‌وه‌ى هه‌واڵ - شوان عه‌زیز
کۆمێنت (0)
تا ئێستا هیچ کۆمێنتێک نەکراوە.