هێزەكانی بنكەی پۆلیسی هەواری شاری سەر بە بەڕێوەبەرایەتی پۆلیسی پارێزگای سلێمانی تۆمەتبارێكی دەستگیركرد كە هەستابوو بە بڵاوكردنەوەی وێنەكانی كچێك لەتۆڕە كۆمەڵایەتییەكان .
له راگه‌یه‌ندراوێكی بەڕێوەبەرایەتی پۆلیسی پارێزگای سلێمانی، كه وێنه‌یه‌كی بۆ ماڵپه‌ری كوردستان تیڤی هاتووه، پاش ئەوەی كچێك لە بنكەی پۆلیسی هەواری شار سكاڵای لەدژی تۆمەتبار (ع.ع.م ) تۆماركرد كە هەستاوە بە بڵاوكردنەوەی وێنەكانی بەشێوەیەكی ناشرین لە تۆڕە كۆمەڵایەتییەكاندا .
دوای وەرگرتنی فەرمانی بەڕێز دادوەر هێزەكانی پۆلیس لێكۆڵینەوەكانیان دەستپێكردوو ئەمڕۆ 28ی3ی2019 تۆمەتبار دەستگیركرا و دەركەوت كە پێنج فەیس بووك و ئینستاگرامێك و چوار ڕەقەم مۆبایل و سێ نازناوی هەیە كە بەكاری هێناون بۆ چەواشەكردنی هاوڵاتیان .
لەئێستادا تۆمەتباری ناوبراو بەبڕیاری دادوەرو بەپێی ماددەی 2ی خراپ بەكارهێنانی مۆبایل ڕاگیراوە .
داڕشتنه‌وه‌ی: سامان زاهیر
کۆمێنت (0)
تا ئێستا هیچ کۆمێنتێک نەکراوە.