تەنها لەمانگی ئازاردا لەشارۆچكهی كۆیە، 18 كەس بە تۆمەتی بازرگانی و بەكارهێنانی ماددەی هۆشبەر، دەستگیركراون و چەند ئۆتۆمبێلێكی دزراویش دەستیان بەسەر داگیراوە.
بەپێی ڕاگەیەنراوێكی ئاسایشی ڕۆژهەڵاتی هەولێر لە كۆیە، هەر 18 كەسەكە لە ناو قەزای كۆیە و دەوروبەری دەستگیركراون، سەرجەمیان تۆمەتبارن بە بازرگانیكردن و بەكارهێنانی ماددەی هۆشبەرەوە و چەند جۆرێك ماددەی هۆشبەر و چەكی بێ مۆڵەتیان پێ بووەو بەپێی ماددەی 14ی ماددە هۆشبەرەكان، لێكۆڵینەوە لەگەڵیان بەردەوامە.
ئاماژە بەوەش دراوە: هەر لەو مانگەدا، دوو ئۆتۆمبێلی دزراو كە لە شاری هەولێرەوە گەیەندراونەتە قەزای كۆیە، دەستیان بەسەردا گیراوە و ئەنجامدەرەكانیشی دەستگیركراون كە بەكارهێنەری ماددەی هۆشبەر بوون.
ئەوەش لەكاتێكدایە، پێشتر بەڕێوەبەرایەتی ئاسایشی ڕۆژهەڵاتی هەولێر لە كۆیە، 72 كەسی بە تۆمەتی جۆراوجۆر دەستگیركردبوو.
داڕشتنهوهی: سامان زاهیر
کۆمێنت (0)
تا ئێستا هیچ کۆمێنتێک نەکراوە.