لهراگهیاندراوێكدا كهوێنهیهك دهست ماڵپهری كوردستان تیڤى كهوتووه ، بهڕێوهبهرایهتى پۆلیسى پارێزگای سلێمانى ڕایدهگهێنێت ، ئەمڕۆ چوارشهممه 27-3-2019 ، هێزەكانی پۆلیسی پارێزگای سلێمانی تۆمەتبارێكی بەڕەگەز ئێرانییان دەستگیركرد كە ویستبووی لەناو بانكی ڕەشید لە شاری سلێمانی گیرفانی هاوڵاتیان ببڕێت .
راشیدهگهیهنن ڕۆژی 26-3-2019 ، تۆمەتبارێك بە مەبەستی بڕینی گیرفانی هاوڵاتیان سەردانی بانكی ڕەشید دەكات .دوای ئەوەی بڕی 50هەزار دیناری عیراقی لەسەر مێزی یەكێك لەكارمەندەكانی بانكەكە دەبینێت دەیبات و هەڵدێت .
هێزەكانی پۆلیسی پارێزگای سلێمانی لە ڕوداوەكە ئاگاداركرانەوەو بەدواداچوونەكان دەستیانپێكردوو دوای لێدانەوەی كامێرای چاودێری تۆمەتبارەكە ناسرایەوە .
پۆلیس راشیدهگهێنێت ، ئەمڕۆ و بەهەمان مەبەست تۆمەتبار سەردانی بانكەكە دەكاتەوە ، لەوێ لەلایەن هێزەكانی پۆلیسەوە تۆمەتبار دەناسرێتەوەو دەستگیردەكرێت .
لهكۆتادا پۆلیسى سلێمانى رایدهگهێنێت لەئێستادا تۆمەتبار (أ ، ب ، ر) بەڕەگەز ئێرانی ، بەبڕیاری دادوەرو بەپێی ماددەی 444 لەیاسای سزادانی عیراقی ڕاگیراوە .
دارشتنهوهى ههواڵ - شوان عهزیز
کۆمێنت (0)
تا ئێستا هیچ کۆمێنتێک نەکراوە.