بە بەشداریی كۆمەڵێك لە هونەرمەندانی “هەولێر، سلێمانی، هەڵەبجە، كەركوك، گەرمیان “ لەسەرەتای ئەم ساڵەوە دەستكراوە بە ئامادەكارییەكان بۆ زنجیرە درامای ( یوسف ناگەڕێتەوە ) .
چیرۆكی ئه‌م درامایه لەلایەن نوسەری ناسراو " عەزیز نەسین " نووسراوە و سیناریۆی و دەرهێنانی لەلایەن هونەرمەند " لوقمان غەریب " ئەنجام دەدرێت ، له شاری سلێمانی وێنه‌گرتنی دراماكه به‌رده‌وامه و چه‌ندین ئه‌كته‌ری به ئه‌زموونی شاره جیاوازه‌كانی هه‌رێمی كوردستان به‌شدارییان تێدا كردووه , وا بڕیارە لەمانگی رەمەزانی پیرۆزی ئەو ساڵ پێشكەشی بینەران بكرێت.
ده‌رباره‌ی ناوه‌رۆكی دراماكه " لوقمان غەریب " ی ده‌رهێنه‌ر ئاشكرایده‌كات ، ئەو زنجیرە درامایە ناوەرۆكەكەی بابەتێكی مرۆڤانەی لەخۆی گرتووە و لە رووی ناوەرۆك و كاری بەرهەم هێنانەوە هەنگاوێكی تازەیە ، لە هەمان كاتدا باسی ژیانی كەسێك دەكات كە هەر لەسەرەتای ژیانیەوە تووشی چەند نەهامەتیەك دەبێت، هەر لە گوندەكەی خۆیان تا دەگاتە شار هەر بەدوای راستی و دروستی ئەو ناوە دەگەڕێت كە لە دائیره‌ی باری شارستانی بەهەڵە نووسراوە .
جێی باسه ، زنجیره درامای " یوسف ناگه‌رێته‌وه " له 15 ئه‌ڵقه پێكهاتووه و تاوه‌كو ئێستا كاری وێنه‌گرتن بۆ ئه‌و درامایه كۆتایی پێ نه‌هاتووه .
کۆمێنت (0)
تا ئێستا هیچ کۆمێنتێک نەکراوە.