هونه‌رمه‌ندی ناوداری شاری سه‌قز مامۆستا " علی عابدی " به هۆی دانان و ئاماده‌كردنی ئاوازی گۆرانی " به ته‌نیا جێم مه‌هێلن " له ڕێ و ڕەسمی 31 ه‌مین ساڵیادی کیمیابارانی هەڵەبجەدا رێزی لێده‌گیرێت .
گۆرانی " به ته‌نیا جێم مه‌هێلن " له لایه‌ن گۆرانیبێژی كورد " تارا ره‌سول " بۆ قوربانیانی كیمیابارانی هه‌ڵه‌بجه گوتراوه ، هۆنراوه‌ی گۆرانییه‌كه له لایه‌ن مامۆستا " ره‌فیق سابیر " دانراوه و ئاوازه‌كه‌شی هونه‌رمه‌ندی كوردی رۆژهه‌ڵات مامۆستا " عه‌لی عابدی " ئاماده‌ی كردووه .
ئه‌م هونه‌رمه‌نده جگە لە هونەری گۆرانیبێژی، لە بواری ئاوازدانان چالاک بووە و بەرهەمی زۆر بووە و لەم نێوەدا ئاوازی گۆرانی "بە تەنیا جێم مەهێڵن" لە بارەی هەڵەبجەوە، لە شاکارەکانی ئەوە.
کۆمەڵەی قوربانیانی کیمیابارانی هەڵەبجە و ناوەندی پشتگیریی لە چالاکیی لاوان لە ڕێ و ڕەسمی سی و یەکەمین ساڵیادی کیمیابارانی هەڵەبجە و لە بەرنامەیەکی تایبەتدا ڕێزی گرت لەم هونەرمەندە کوردەی رۆژهه‌ڵاتی كوردستان .
کۆمێنت (0)
تا ئێستا هیچ کۆمێنتێک نەکراوە.