قائیمقامیەتی سلێمانی و لایەنەپەیوەندیدارەكان بەدواداچون بۆ دانانی سیستمی غاز دەكەن و قائیمقامی سلێمانی دەڵێت: بۆ رێگری كردن لە رووداوی نەخوازراو پێویستە لەدانانی سیستمی غازی سل "LPG" دا هەموو مەرجەكانی سەلامەتی رەچاو بكرێت
لهراگهیاندراوێكدا كهوێنهیهك دهست ماڵپهری كوردستان تیڤى كهوتووه ، قائیمقامیهتى قهزای ناوهندی سلێمانى ڕایدهگهێنێت بەمەبەستی دانانی رێوشوێنی پێویست بۆ سیستمی غازی "LPG" لە بیناو باڵەخانەكان و ئوتومبێل , ئاوات محەمەد قائیمقامی سلێمانی لەگەڵ لایەنەپەیوەندارەكان كۆبووەوە ئەو مەرج و رێنمایانە تاوتوێكران كە پێویست بۆ سەلامەتی هاوڵاتیان لەكاتی دانانی سیستمی غازی شل لەبەرچاو بگیرێت
لە كۆبوونەوەكەدا قائیمقامی سلێمانی رایگەیاند: لەم ساڵانەی دوایدا بەشێوەیەكی بەرچاو دانانی سیستمی غازی "LPG" رووی لەزیادبون كردووە و بەهۆی هەستیاری سیستمەكەشەوە پێویستە بەووردی چاودێری بكرێت , ئاماژەی بۆ ئەوەشكرد لایەنە پەیوەندیدارەكانی سلێمانی بۆ رێگری كردن لە رووداوی نەخوازراو بەووردی چاودێری سیستمەكە دەكەن و هەموو بیناو باڵەخانەكان پابەند دەكرێن لەكاتی دانانی سیستمەكەدا مەرجەكانی سەلامەتی لەبەرچاو بگرن ,
ئاوات محەمەد راشگەیاند: هاوشێوەی بیناو باڵەخانەكان لە دانانی سیستمی غازی شل بۆ ئوتومبێل پێویستە هەموو مەرج و رێنمایەكانی سەلامەتی لەبەرچاوبگیرێت ئەمەش بۆ پاراستنی گیانی شۆفێران و سەرنشینان لەهەر رووداوێكی نەخوازراو ,
قائیمقامی سلێمانی دەشڵێت لەدوای دانانی سیستمەكەش لەلایەن كەسانی شارەزاو پسپۆڕ بەردەوام چاودێری هەموو ئەو شوێنانە دەكرێت كە كار بەسیستمی غازی شل "LPG" دەكەن .
کۆمێنت (0)
تا ئێستا هیچ کۆمێنتێک نەکراوە.