پهیامنێری كوردستان تیڤی ههژار حهكیم: دوای چهند كۆبوونهوهیهك، ئهمڕۆ دهقی رێككهوتنی پارتی دیموکراتی کوردستان بزووتنهوهی گۆڕان بۆ پێكهێێنانی حكومهت ئیمزاكرا كه تیایدا جهخت له پڕۆژهكانی چاكسازی و خزمهتی زیاتر به خهڵكی كوردستان و كۆتایی هێنان به پاشهكهوتی موچه كراوهتهوه.
دەقی رێککەوتنی پارتی و گۆران بەم شێوەیە:
یەکەم - لەسەر ئاستی عێراق
1-حکومەتی هەرێمی کوردستان پابەند دەبێت بەپێداگیری لەسەر جێبەجێکردنی مافە دەستورییەکان ودانانی سەقفی زەمەنی بۆ هەریەک لە پرسەکانی مادەی 140 نەوت و غاز وبودجە و پێشمەرگە دەرکردنی یاسایەکی ئەنجومەنی فیدرالی و دادگایی فیدرالی عێراق .
2 - ئاسایی کردنەوەی دوخی کەرکوک و ناوچە کێشە لەسەرەکان بۆ پێش 10-6-2014 و دانانی سەقفی زەمەنی بۆ ئەو مەبەستە و بەرێوەبردنی کەرکوک و ئەوناوچانە بە هاوبەشی لەگەڵ ئەو ناوچانە .
3 – حکومەتی هەرێم و پەرلەمانی کوردستان دەستەی دانوستاند دروست دەکەن بۆ دانوستاندن لەگەڵ بەغدا بۆ بەدەستهێنانی مافە دەستورییەکانی میللەتەکەمان .
4- حکومەتی هەرێم پێداگیری دەکات لە پێناو جەسپاندنی پرەنسیپی هاوسەنگی و هاوبەشی راستەقینە و سازان لەسەر ئاستی عێراق و دامەزراوەکانی عێراق.
5- حکومەتی هەرێمی کوردستان پێداگیری بکات لەسەر ئەنجامدانی سەرژمێری گشتی لە عێراق.
دووەم – لە سەر ئاستی هەرێمی کوردستان
1- حکومەتی هەرێمی کوردستان پابەند دەبێت بە دامەزراوەیی و بە نیشتیمانی کردنی سەرجەم دام و دەزگاکانی هەرێم ، بەجۆرێک کە جیاکردنەوەی دەسەلاتەکانی مسۆگەر بکات.
2- حکومەتی هەرێمی کوردستان پابەندە بە نەهێشنی پاشەکەوتی مووچەی فەرمانبەران و جێگرکردنی بری پاشەکەوت لە ژمێرەی مووچەخۆراندا و گێرانەوەی ئەم پاشەکەوتە بە خشتەیەکی گونجاو لەگەڵ باشبوون و توانای دارایی .
3- حکومەتی هەرێمی کوردستان پابەندە بە پەیرەوکردنی پرەنسیپەکانی حکومرانی چاک بەتایبەت شەفافیەت و پرسینەوە و هاوبەشی راستەقینە بە؟مەبەستی چەسپاندنی حکومەتی هالاتی بوون بو هەموو کوردستانیان.
4- حکومەتی هەرێمی کوردستان پێداچوونەوە دەکات بە لیستی مووچە خۆران بە مەبەستی ساغکردنەوەی فەرمانبەری راستەقینە لە مووچە خۆر و خانەنشینان بۆ ئەوەی لیستی فەرمانبەران رێکبخرێتەوە لەسەر بنەمای میلاکی راستەقینە و پێکهێنانی ئەنجومەنی خزمەت .
5- حکومەتی هەرێمی کوردستان بریاردەدات بە دامەزراندنەوەی گشت ئەو کەسانەی لە بەر هۆی سیاسی لەسەر کارەکانیان دوورخراونەتەوە و سزای جۆراوجۆریان دراون.
6- حکومەتی هەرێمی کوردستان پابەندە بە نیشتیمانی و دامەزراوەیی کردنی فەرمانگەی پەیوەندییەکانی دەرەوەی حکومەتی هەرێم.
7- حکومەتی هەرێمی کوردستان پابەندە بە تەرشیق کردنی حکومەت و دامودەزگاکانی هەرێمی کوردستان.
8- پەیرەوکردنی لامەرکەزی کارگیری و دارایی زیاتر بۆ پارێزگاکان و شۆربوونەوەی دەسەلاتەکان بۆ یەکەی کارگێری بە چاودێری سەرۆکایەتی ئەنجومەنی وەزیران.
9- جەخت کردنەوە لەسەر رێزگرتن لە ئازادییە کان و جیاوازییەکان و دەستخستنی زانیاری بە پێیی یاسا، پشتیوانی دامودەزگاکانی پۆلیس و دادگا تا کاری خۆیان ئەنجام بدەن ، نابێت هیج کەسێک بە بێ فەرمانی دادوەر دەستگیر بکرێ .
10- پەیرەوکردنی دەرفەتی یەکسان بۆ هەمووان ورێگرتن لە قۆرغکاری و پشتیوانی کێبرکێ و پشکداری هاولاتیان
11- حکومەتی هەرێم و لایەنە سیاسیەکان پابەندن بەیەک پارچەیی یەکگرتووی قەوارەی سیاسی هەرێمی کوردستان و کاردەکەن بۆ یەکخستنەوەی و رێکخستنەوەی دامەزراوەکانی هەرێمی کوردستان بەهێزی پێشمەرگە و هێزەکانی ئاسایشی ناوەخۆشەوە.
12- حکومەتی هەرێم کاردەکات بۆ پاراستنی هەرێم لەشەر و ململانێی نێودەوڵەتی و ئیقلیمی و شەرو ململانێی ناوخۆیی.
لەسەر ئاستی پەرلەمانی کوردستان
ئەلیف -هەموو ئەو یاسایانەی رەهەندی نیشتیمانیان هەیە بە سازانی هەردولا هەموار دەکرێن و دەردەچوێندرێن لە ناو پەرلەمان وەک دەستوور ، یاسایی سەرۆکایەتی هەرێم ، یاسای هەلبژاردنەکانی پەرلەمانی کوردستان .
ب -کاراکردنی رۆلی چاودێری پەرلەمان و هەموو ئەودەزگایانەی تایبەتن بە چاودیری وپشکنین .
لەسەر ئاستی دەسەلاتی جێەجێکردن
1- سەرۆکایەتی هەرێم
کاراکردنەوەی دەمەزراوەی سەرۆکایەتی هەرێمی کوردستان تا نوسینەوەی دەستوری هەرێمی کوردستان وپێداچوونەوە بە دەسەلاتەکانی سەرۆکایەتی هەرێم دا.
2- ئەنجومەنی وەزیران / بەرنامەی کابینەی وەزاری
سەبارەت بە بەرنامەی کابینەی نۆیەمی حکومەتی هەرێمی کوردستان
1- بەرنامەی وەزاری کە کۆکراوەی بەرنامەی لایەنە بەشدارەکانە ، دەبێ لە لایەن پەرلەمانەوە پەسەند بکرێ.
2- بەرنامەی وەزاری دەبێ پرۆژەی یاسایی چاکسازی هەمەلایەنەی سیاسی ، یاسایی ، ئابووری ودارایی ، کارگێری لە خۆبگرێ.
3- لە چوارچێوەی ئەنجومەنی وەزیراندا ئەنجومەنێکی بالای جاکسازی دروست بکرێ.
4- دیاریکردنی سەقفی زەمەنی بۆ جێبەجێکردنی هەر سێکتەرێک لەو سێکتەرانەی کەلە بەرنامەی هاوبەشەکەمان دێت ، لە دۆخی ئاسایی و ئارامی و سەقامگیری دا لە هەرێمی کوردستاندا.
کۆمێنت (0)
تا ئێستا هیچ کۆمێنتێک نەکراوە.