كه‌مێك له‌مه‌وبه‌ر كۆبوونه‌وه‌ی شاندی باڵای پارتی دیموكراتی كوردستان و بزووتنه‌وه‌ی گۆڕان كۆتاییهات، له دوای ته‌واوبوونی كۆبوونه‌وه‌كه‌ش راگه‌یه‌ندراوێكی کۆبوونەوەی هاوبەشی پارتی دیموکراتی کوردستان و بزوتنەوەی گۆڕان بڵاوكرایه‌وه.
رۆژی شەممە، رێکەوتی 16ی شوباتی 2019، شاندی باڵای پارتی دیموکراتی کوردستان و بزوتنەوەی گۆڕان، لە شاری سلێمانی کۆبوونەوە.
لە کەش و هەوایەکی دۆستانە و گفتوگۆیەکی راشکاوانەی بەرپرسیارانە، پەیوەندی هەردوولا و گفتوگۆی پێکهێنانی کابینەی نۆیەمی حکومەتی هەرێمی کوردستان و رێککەوتنی سیاسی نێوان هەردوولا، خرانە روو.
لەکۆبوونەوەکەدا، هەردوو شاند رێککەوتن لەسەر ئەم خاڵانە:
1. رێککەوتنی سیاسی نێوان پارتی و بزوتنەوەی گۆڕان پەسەندکرا.
2. لە کۆبوونەوەی 18ی2ی پەرلەمانی کوردستان، فراکسیۆنی پارتی و فراکسیۆنی گۆڕان بەشدار دەبن.
3. لەسەر شێوازی پێکهێنانی حکومەت گەیشتونەتە قۆناغی کۆتایی و پێشڤەچوونێکی باشی بەخۆوە بینیووە.
4. پڕۆژەی رێککەوتن دەبرێتەوە بۆ سەرکردایەتی هەردوولا بۆ پەسەندکردنی کۆتایی.
کۆمێنت (0)
تا ئێستا هیچ کۆمێنتێک نەکراوە.