محه‌مه‌د جه‌واد زه‌ریف، وه‌زیری ده‌ره‌وه‌ی ئێران له‌هه‌ژماری خۆی له تۆڕی كۆمه‌ڵایه‌تی تویته‌ر ده‌رباره‌ی هێرشه تیرۆریستییه‌كه‌ی سیستان-بلوچستانی ئێران راگه‌یه‌ندراوێكی بڵاو كرده‌وه.
ناوبراو له‌باره‌ی ئه‌و هێرشه‌ی كه ژماره‌یه‌كی زۆر سه‌رباز تیایدا كوژران ئاماژه‌ی به‌و گرووپانه كرد كه ئه‌مریكا پشتگیریان ده‌كات و گوتی: ئاوا هێرشی تیرۆریستی و ئه‌نجامدانی و سێركی وارشۆ له‌سه‌ر ئێران، رێككه‌وته؟ به‌تایبه‌ت هه‌مان ئه‌وانه‌ی پشتگیری تیرۆریستان ده‌كه‌ن له شه‌قامه‌كانی وارشۆ پیرۆزبایی ده‌كه‌ن و له تویته‌ر به هه‌ژماری ساخته پیرۆزبایی ده‌كه‌ن؟ به‌پێی ئه‌وه‌ی ده‌بینرێت ئه‌مریكا هه‌مان هه‌ڵه ده‌كات و چاوه‌ڕێی ئه‌نجامی جیاواز ده‌كات.
له پارێزگای سیستان-بلوچستانی باشووری رۆژهه‌ڵاتی ئێران و له هێرشێكی خۆكوژیدا بۆ سه‌ر پاسێك كه كارمه‌ندانی سوپای پاسدارانی ئێرانی ده‌گواسته‌وه، ٢٠ كه‌س كوژران و لانی كه‌م ٢٠ی تریش برینداربوون.
رێكخراوی جه‌یشولعه‌دل-ی به‌لوچستان هێرشه‌‌كه‌ی گرتووه‌ته ئه‌ستۆی خۆی.
کۆمێنت (0)
تا ئێستا هیچ کۆمێنتێک نەکراوە.