ئهمڕۆ چوارشەممە 6/2/2019 مهسرور بارزانی راوێژكاری ئهنجوومهنی ئاسایشی ههرێمی كوردستان پێشوازی له (جهنهڕاڵ پاتریك رۆبهرسۆن) فهرماندهی ئۆپهراسیۆنه تایبهتیهكانی ئەمریکا له عێراق و سوریا و شاندی یاوەری كرد.
لهم دیدارەدا دوا پێشهاتەکانی ناوچهكه بهگشتی و قۆناغهكانی شهڕی تیرۆریستان تاوتوێكرا، پەیوەست بە پەرەسەندنەکانی رەوشی رۆژهەڵاتی فوڕات لە سوریا مهسرور بارزانی ئاماژەی بەوەدا، بە پێویست دەزانرێت هێز و لایەنە سیاسییەکانی رۆژئاوا بگەنە رێککەوتن و لێک تێگەیشتنی هاوبەش لەسەر کۆی پرسەکان بۆئەوەی لە گۆڕانکارییەکاندا مافەکانی گەلی کورد جێگیر بکرێت.
هەر لەو دیداره جموجۆڵەکانی داعش لە هەندێ ناوچەی عێراق و رۆڵ و هەماهەنگیی نێوان هێزەکانی هاوپەیمانان و عێراق و هەرێمی کوردستان تاوتوێکرا و تیشکخرایە سەر میکانیزمەکانی رێگەگرتن لە گەشەکردنی زیاتری گرووپە تیرۆریستیەکان لەو ناوچانەدا.
![1](/sites/default/files/inline-images/51248329_10156924966017789_4555691632141271040_n.jpg)
کۆمێنت (0)
تا ئێستا هیچ کۆمێنتێک نەکراوە.