به بۆنه‌ی كۆچی دواییی خوالێخۆشبوو میر ته‌حسین به‌گ میری ئێزدییانه‌وه، به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان له په‌یامێكدا پرسه و سه‌ره‌خۆشی له خانه‌واده‌ی میر و جڤاتی ڕووحانی و ته‌واوی ئێزدییان و گه‌لی كوردستان كرد، ئه‌مه ده‌قه‌كه‌یه‌تی:
ب هه‌لكه‌فتنا وه‌غه‌را دویماهیێ یا خودێ ژێ ڕازی میر ته‌حسین به‌گ، میرێ ئێزدییا، به‌هیداری و سه‌رساخیێ ل مالبات و كه‌سوكارێت وی و جڤاتا ڕووحانی و هه‌می خوشك و برایێت مه یێت ئێزدی و گه‌لێ كوردستانێ بگشتی دكه‌م. هه‌ڤپار و هه‌ڤخه‌مێن مالباتا وی و ته‌ڤاهییا ئێزدییاینه.
میر ته‌حسین به‌گ كو پتری حه‌فتێ سالێت چوویی میراتیا ئێزدییا ل كوردستانێ و جیهانێ كر، ته‌ڤی كو دناڤ ئێزدییادا خودان پێگه‌هـ و ڕۆڵه‌كێ جڤاكی و ئۆلی یێ دیار بوو، هه‌روسا د ته‌ڤگه‌را كوردایه‌تیێ و بتایبه‌تی ژی د شۆڕه‌شا ئه‌یلوولێدا خودانێ ڕۆل و به‌شدارییه‌كا به‌رچاڤ بوو، پشتی شۆڕه‌شێ ژی ژبه‌ر هه‌لوێستێن خۆ ده‌ربده‌ری ولاتان بوو.
میر ته‌حسین به‌رده‌وام دگه‌ل جڤاكا كوردستانێ و عێراقێ و یا ده‌ڤه‌رێ ژی د په‌یوه‌ندیێدا بوویه و ڕێز و پێگه‌هێ وی یێ جڤاكی نه بتنێ دناڤ ئێزدییادا، به‌لكی دناڤ جڤاكا كوردستانێ و یا عێراقێدا ژی دیار و به‌رچاڤ بوویه و خودان تۆڕه‌كا به‌رفره‌ها په‌یوه‌ندییا بوو. به‌رده‌وام هه‌ول دایه كو گیانێ پێكڤه‌ژیانێ و هه‌ڤقه‌بوولكرنێ دناڤ پێكهاتێن كوردستانێ و عێراقێدا خورتر و كوورتر بكه‌ت.
بیرهاتنا وی ب خێر بیت و خودایێ مه‌زن ب دلۆڤانییا خۆ شا بكه‌ت.
نێچیرڤان بارزانی
سه‌رۆك وه‌زیرێ هه‌رێما كوردستانێ
28/1/2019
کۆمێنت (0)
تا ئێستا هیچ کۆمێنتێک نەکراوە.