گروپێكی نوێ له فه‌ڕه‌نسا هاتووه‌ته ئاراوه كه خۆیان به مل پێچ سووره‌كان ده‌ناسێنن و له دژی ئه‌و توندوتیژییانه‌ی به هۆی ناڕه‌زایه‌تیی هێله‌ك زه‌رده‌كان له‌م وڵاته روویداوه، ده‌ستیان به یه‌كه‌م خۆپیشاندانی خۆیان كرد.
ئه‌م گروپه خوازیاری كۆتاییهاتنی توندوتیژییه‌كان و ناڕه‌زایه‌تییه‌كانی دژی حكومه‌تن كه به هۆی خۆپیشاندانی هێله‌ك زه‌رده‌كان له فه‌ڕه‌نسا سه‌ریهه‌ڵداوه.
ئه‌لێكس برۆن وته‌بێژی مل پێچ سووره‌كان وتوویه‌تیی: هاوڵاتییان ئیتر له به‌ربه‌سته‌كانی سه‌ر جاده و ئاڵۆزییه‌كان بێزار بوون و هه‌موو ئه‌م نائارامیی و ئاڵۆزییانه بۆ كاسبكاران و رۆیشتنی منداڵه‌كانمان بۆ قوتابخانه زیانی هه‌یه، چونكه دره‌نگ ده‌گه‌نه ناو پۆله‌كانی خوێندن.
ئه‌ندامانی ئه‌م گروپه له‌سه‌ر تۆڕه كۆمه‌ڵایه‌تییه‌كان نووسیویانه: ئێمه ئه‌و كه‌شه پڕ توندوتیژییه ئیدانه ده‌كه‌ین كه به هۆی خۆپیشاندانه‌كانی گروپی هێله‌ك زه‌رده‌كان له وڵاته‌كه‌مان خوڵقاوه، هه‌ڵبه‌ت هه‌ڕه‌شه‌كان و ده‌ربڕینه ناشیرینه‌كانیشان مایه‌ی شه‌رمه‌زارییه، چونكه هه‌ركه‌سێك وه‌ك ئه‌وان بیرنه‌كاته‌وه ئه‌وان بۆچوونی نه‌شیاویان به‌رامبه‌ری ده‌بێت.
مه‌سعود / كوردستان تی ڤی
سه‌رچاوه/ بی بی سی
کۆمێنت (0)
تا ئێستا هیچ کۆمێنتێک نەکراوە.