سێ وڵاتی ئه‌وڕوپی كه بریتین له ئه‌ڵمانیا و فه‌ڕه‌نسا و ئیسپانیا ده‌رفه‌تێكی 8 رۆژییان داوه به نیكۆڵاس مادۆرۆ سه‌رۆك كۆماری ڤه‌نزوێلا بۆ ئه‌وه‌ی هه‌ڵبژاردنێكی ئازاد به‌ڕێوه ببات و ئه‌گه‌ر ئه‌مه‌ش نه‌كات ئه‌وا ئه‌م وڵاتانه خوان گوایدۆ سه‌رۆك كۆماری به‌ربژێری گه‌لی ڤه‌نزوێلا وه‌ك سه‌رۆك كۆماری فه‌رمیی ئه‌م وڵاته ده‌ناسن.
پێدرۆ سانچێز سه‌رۆك وه‌زیرانی ئیسپانیا و ئیمانوێل ماكرۆن سه‌رۆك كۆماری فه‌ڕه‌نسا و هه‌روه‌ها هایكۆ ماس وه‌زیری ده‌ره‌وه‌ی ئه‌ڵمانیا رۆژی رابردوو هاوڕا له‌گه‌ڵ یه‌كتریی رایانگه‌یاند: ئه‌گه‌ر بێت و نیكۆلاس مادۆرۆ له ماوه‌ی 8 رۆژی داهاتوودا هه‌ڵبژاردنێكی ئازاد و بێگه‌رد ئه‌نجام نه‌دات، ئه‌وا ئێمه خوان گوایدۆ به سه‌رۆك كۆماری فه‌رمیی ڤه‌نزوێلا ده‌ناسین.
خوان گوایدۆ له‌ناو ئاپۆڕای ده‌یان هه‌زار كه‌سیی لایه‌نگرانیدا خۆی به سه‌رۆك كۆماری كاتیی ڤه‌نزوێلا ناوزه‌د كردووه و رایگه‌یاندووه كه نیازی هه‌یه هه‌ڵبژاردنی ئازاد ئه‌نجامبدات.
شایه‌نی ئاماژه‌یه كه ناوبراو زۆر به‌خێرایی پشتیوانیی ئه‌مریكا و ژماره‌یه‌ك له وڵاتانی ئه‌مریكای باشووری بۆ بوون به سه‌رۆك كۆماری ڤه‌نزوێلا به‌ده‌ستهێنا.
مه‌سعود / كوردستان تی ڤی
سه‌رچاوه/ رادیۆ فه‌ردا
کۆمێنت (0)
تا ئێستا هیچ کۆمێنتێک نەکراوە.