عه‌لی بدێری، په‌رله‌مانتاری فراكسیۆنی حیكمه له ئه‌نجومه‌نی نوێنه‌رانی عێراق، پێیوایه كه هه‌رێمی كوردستان له بودجه‌ی ساڵی 2019 زیاتر له پشكی خۆی وه‌رگرتووه‌و رێژه‌كه‌ی گه‌یشتۆته سه‌دا 20.
بدێری به سۆمه‌رییه نیوزی راگه‌یاندووه، له‌دانانی بودجه‌دا سته‌م له هه‌ندێك پارێزگا كراوه‌و هه‌ندێك پارێزگا و هه‌رێمی كوردستانیش زیاتر له پشكی خۆیان پێدراوه.
ده‌شڵێت: پشكی هه‌رێمی كوردستان دوای ئه‌وه‌ی كه‌زیاد كرا له پێدانی مووچه‌ی فه‌رمانبه‌ران و ده‌ستنیشانكردنی ئه‌و بڕه‌ی بۆ هێزه‌كانی پێشمه‌رگه داندراوه ، گه‌یشتۆته زیاتر له سه‌دا 20.
ئه‌و په‌رله‌مانتاره‌ی حیكمه جه‌ختیشیكردۆته‌وه كه هه‌موو كاتێك رۆڵه‌كانی ناوه‌ڕاست و باشووری عێراق له چاره‌نووسیان نووسراوه كه قوربانی به‌ماڵ وسه‌روه‌ت سامان و ژیانیان بده‌ن.
ئاماده‌كردنی/ رزگار
کۆمێنت (0)
تا ئێستا هیچ کۆمێنتێک نەکراوە.