ئوتۆمبێلێك لەجۆری سۆناتا دەدزرێت و تاوانبارەکان بەرەو سنوری کۆیە دەیبەن، پۆلیس توانی بەهاوکاری هێزە ئەمنیەکانی چەمچەماڵ، ئۆتۆمبێلەکە بدۆزێتەوە.
دوای ئەوەی، ماوەیەک لەمەوبەر لەگەڕەکی کوێستانی شاری هەولێر، ئوتۆمبێلێك لەجۆری سۆناتا دەدزرێت و تاوانبارەکان بەرەو سنوری کۆیە دەیبەن، پۆلیس توانی بەهاوکاری هێزە ئەمنیەکانی چەمچەماڵ، ئۆتۆمبێلەکە بدۆزێتەوە.
رائیدی پۆلیس ابراهیم مناف ئەفسەری نوسینگەی نەهێشتنی تاوانی کۆیە، پێی راگەیاندین کە دوای ئەوەی توانییان باندێک دەستگیر بکەن کە لەم ماوەیەی رابردوو چەند ئۆتۆمبێلێکیان لە ناو شاری هەولێر دزیبوو و بەرەو کۆیەیان بردبوو، ئەمڕۆش توانرا ئۆتۆمبێلێکی دیکە کە هەر لەلایەن باندەکەوە دزرابوو، لە شارۆچکەی چەمچەماڵ بدۆزنەوە و لەسەر بڕیاری بەڕێز دادوەر رادەستی پۆلیسی نەهێشتنی دزینی ئۆتۆمێلی هەولێری بکەنەوە.
بەناوی پۆلیسی هەولێرەوە دەستخۆشی لە هاوکارانمان لە پۆلیسی کۆیە دەکەین و هیوای سەرکەوتنیان بۆ دەخوازین.
کۆمێنت (0)
تا ئێستا هیچ کۆمێنتێک نەکراوە.