بابه‌كڕ دڕه‌یی هه‌ڵسوڕاوی دیاری بزووتنه‌وه‌ى گۆڕان له‌میانى به‌شداری كردنى له‌به‌رنامه‌ى دیڤچوونى كوردستان تیڤی له‌باره‌ى به‌شداری كردنى بزووتنه‌وه‌ى گۆڕان له‌كابینه‌ى داهاتووی حكومه‌تى هه‌رێم و كۆبوونه‌وه‌كانى ئه‌و حزبه له‌گه‌ڵ پارتى ڕایگه‌یاند ، ئه‌و ئامانج و پاكێجانه‌ى گۆڕان له‌ساڵانى پێشوو پێش كه‌شى كرد سه‌باره‌ت به‌یه‌كخستنى هێزی پێشمه‌رگه ، به‌هێز كردنی دادگا كان و چاك كردنى باری گوزه‌رانى خه‌ڵك ، به‌هێز كردنى بواری په‌روه‌رده هه‌مان ئه‌و ئامانجانه‌مان هه‌یه كه‌له‌كۆبوونه‌وه‌كانمان له‌گه‌ڵ پارتیدا باسمان كردووه و نیه‌تمانه جێ به‌جێ كاری بین له‌به‌شداریمان له‌حكومه‌ت ئه‌وا ئه‌و به‌رنامه‌یه‌مان هه‌یه كه‌ده‌مانه‌وێت جێ به‌جێ بكرێت
بابه‌كڕ دڕه‌یی گرنگ نیه چه‌ند وه‌زیر و پۆستمان پێده‌درێت له‌كابینه‌ى داهاتوو ، ئامانجی ئێمه ئه‌وه‌یه ئه‌و به‌رنامه‌یه‌ى كه‌پێشكه‌شى حكومه‌تى ده‌كه‌ین جێ به‌جێ بكرێت ئه‌وه به‌لای ئێمه‌وه گرنگتره
هه‌ڵسوڕاوه‌كه‌ى گۆڕان ڕاشیگه‌یاند ، بێگومان پارتێكى سیاسی كه پڕۆژه‌یه‌ك پێشكه‌ش ده‌كات یاخود به‌رنامه‌یه‌ك داده‌ڕێژێ ده‌بێت میكانیزمه‌كه‌شى پێشكه‌ش بكات ، ده‌بێت پارتی
راسپێردراو داوای ڕوونكردنه‌وه له‌ولایه‌نه بكات كاتێك پڕۆژه‌یه‌كى له‌به‌رده‌سته ، ئه‌گه‌ر نیه‌تێك هه‌بێت بۆ جێ به‌جێ كردنى پێشخستنى وڵات ، ده‌كرێ رێكه‌وتنێك بكرێت و جێ به‌جێ كاری ئه‌و به‌رنامه‌یه بێت كه‌لایه‌نه‌كان پێشكه‌شى ده‌كه‌ن له‌پێناو چاكسازییه‌كى باش له‌هه‌رێمى كوردستان
بابه‌كڕ دڕه‌یی ڕاشیگه‌یاند ، له‌چوار ساڵی داهاتوو له‌به‌شداریمان له‌كابینه‌ى داهاتووی حكومه‌تى هه‌رێم ئه‌وه ده‌بێت ، گرنگترین شت به‌لاى گۆڕانه‌وه خۆش كردنی ژیانی خه‌ڵك و چاك كردنى مووچه‌ى فه‌رمانبه‌ران ده‌بێت كه‌له‌به‌رژه‌وه‌ندی خه‌ڵكىلا كوردستان بێت
له‌باره‌ى دوو ئیداره‌یی كه‌هه‌میشه خه‌ڵك لێى ترساوه ، خه‌ڵك داواكاره به‌ره‌و نه‌مان بچێت بابه‌كر دڕه‌یی ڕایگه‌یاند ، كوردستانێكى 5 ملیۆن به‌هیچ جۆرێك مه‌نتیق نیه دابه‌شى بكه‌ی بۆ سه‌ر دوو به‌ش و دوو ئیداره‌یی دروست بكه‌یه‌وه ، كوردستان ئێمه خۆشتر و باشتره له‌ڕووی ئابووری و كه‌لتوری و نیشتیمانى ،خۆشتر و باشتره له‌قازانجی خه‌ڵكه ئه‌گه‌ر بتوانین به‌یه‌كه‌وه بژین و پێكه‌وه بین
له‌باره‌ى بزووتنه‌وه‌ی گۆڕان حه‌زی به‌شداربوونى هه‌یه له‌كابینه‌ى داهاتوو ، بابه‌كر دڕه‌یی ڕایگه‌یاند ، له‌به‌رژه‌وه‌ندی خه‌ڵكى كوردستانه به‌شداری كابینه‌ى نوێى حكومه‌تى هه‌رێم بكه‌ین ، گۆڕان گه‌ر خاڵ و كارنامه‌كانى جێ به‌جێ بكرێت و گوێى لێ ڕابگیرێت به‌شدار ده‌بێت له‌حكومه‌ت
وه‌ك براده‌رانمان له‌گۆڕان باسى لێوه‌ده‌كه‌ن پێشوازیه‌ك هه‌یه له‌لایه‌ن پارتی دیموكراتى كوردستانه‌وه كه گۆران به‌شداری له‌كابینه‌ى حكومه‌ت بكات
راشیگه‌یاند پارتى و گۆڕان راسته له‌رابردوو كێشه‌و گرفت هه‌بووه له‌نێوانمان ، به‌ڵام له‌وڵاتێك ده‌ژین ناكرێت هه‌تا هه‌تایی دژی یه‌ك بین ، ئه‌گه‌ر پارتی توانى به‌رنامه‌ى ئێمه جێ بكاته‌وه له‌كابینه‌ى داهاتوو بێ گومان ئه‌و كاته ده‌بینه پالپشت و هاوكاریه‌كى باش بۆ حكومه‌ت ، بۆیه‌ش هه‌ڵگرتنى لێپرسراویه‌تى له‌كابینه‌ى حكومه‌ت كارێكى قورسه ئیمتیازات نیه
له‌باره‌ى ئه‌و بۆچوونه‌ى زۆر جار یه‌كێـتى و میدیا و نووسه‌رانى پێیان وایه گۆڕان ئۆپۆزسیۆن بێت ، بابه‌كڕ دڕه‌یی ڕایگه‌یاند لێدوانێك یاخود نووسه‌رێكی یه‌كێتى بابه‌تێك ده‌نوسێت ئازاده بۆ خۆی كه‌چى ده‌ڵێت له‌سه‌ر گۆڕان ، به‌ڵام ئێمه پارتێكى سیاسین و ڕابه‌ری و سه‌ركردایه‌تى خۆمان هه‌یه و ده‌زگای بڕیاردانمان هه‌یه خۆمان بڕیار ده‌ده‌ین چی بكه‌ین
راشیگه‌یاند ئێمه داوا له‌یه‌كێتى نیشتیمانى كوردستان ده‌كه‌ین ئه‌و ڕێككه‌وتنه‌ی له‌گه‌ڵ گۆڕان كردوویانه جێ به‌جێی بكه‌ن كه‌له‌ماوه‌كانى پێشوو له‌سه‌ر 25 خاڵ رێككه‌وتبووین ، بۆ خه‌ڵكی كوردستان كارێكى باشه و له‌به‌رژه‌وه‌ندیانه گه‌ر ئه‌و رێككه‌وتنه جێ به‌جێ بكرێت ، یه‌كێتى ئاماده نیه جێ به‌جێ كاری ئه‌و رێككه‌وتنه بێت كه‌له‌نێوانماندا هه‌یه ، گه‌ر رێككه‌وتنه‌كه‌ش ئه‌نجامبدرێت وه‌ك خۆیی له‌گه‌ڵ یه‌كێتیش ده‌مانتوانى رێكبكه‌وین
بابه‌كر دڕه‌یی ڕاشیگه‌یاند یه‌كێتى نیشتیمانى كوردستان نیه‌تى جێ به‌جێ كردنى رێككه‌وتنه‌كه‌ى نیه كه‌له‌گه‌ڵ گۆڕان هه‌یه ، ناكۆكی مان هه‌یه ، ئه‌وان ئاماده نین جێ به‌جێ كاری بن
راشیگه‌یاند له‌گه‌ڵ یه‌كێتى په‌یوه‌ندی ناپچڕێنین له‌گه‌ڵ پارتیش به‌هه‌مان شێوه ، داواكاری ئێمه له‌پارتى و یه‌كێتى ئه‌وه‌یه كه‌ئه‌و به رنامه‌یه‌ى هه‌مانه جێ به‌جێ كاری بن و رێككه‌وتنى له‌سه‌ر بكرێت تا له‌به‌رژه‌وه‌ندى خه‌ڵكى كوردستان بێت
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.