نوێنەری حكومەتی هەرێمی كوردستان لە بەریتانیا ئاشكرایدەكات، پێشبینی دەكرێت گەشتی هەرێمی كوردستان بۆ بەریتانیا لە هاوینی 2020 دەست پێبكات.
كاروان جەمال تاهیر، نوێنەری حكومەتی هەرێمی كوردستان لە بەریتانیا لە هەژماری خۆی لە تۆڕی كۆمەڵایەتی فەیسبوك نووسیویه‌تی، بۆ گفتوگۆكردن لەسە ئەنجامدانی گەشتی ڕاستەوخۆ لە لەندەنەوە بۆ هەرێمی كوردستان لەلایەن هێڵی ئاسمانی بەریتانییەوە، لەگەڵ سەرۆكی بەشی تۆڕی گەشتە درێژەكانی هێڵی ئاسمانی بەریتانیا British Airways كۆبوومەوە.
ئاماژەی بۆ ئەوەشكرد، كۆبوونەوەكە سەرەتا و دەستپێكێكی پڕبایەخ بوو بۆ گفتوگۆكردن لەسەر هەنگاوەكان و لێكۆڵینەوە لە پڕۆژەكە.
ئاشكراشیكرد، لایەنی هێڵی ئاسمانی بەریتانی ئارەزوویان هەیە بۆ گەشتكردن بۆ هەرێمی كوردستان، پاش تەواوكردنی لێكۆڵینەوەی خۆیان، كە پێشبینی دەكەن بتوانن یەكەم گەشت لە هاوینی 2020 ئەنجامبدەن.
ڕوونیشیكردەوە، كردنەوەی گەشتی راستەوخۆ لە بەریتانیاوە بۆ هەرێمی كوردستان، دەبێتە كارئاسانیەكی گەورە بۆ گەشتی رەوەندی كوردی لە بەریتانیا بۆ هەرێمی كوردستان، لە كاتێكدا هەزاران هاووڵاتی كوردی هەرێمی كوردستان نیشتەجێی بەریتانیان.
کۆمێنت (0)
تا ئێستا هیچ کۆمێنتێک نەکراوە.