له‌ سلێمانی ته‌قه‌ له‌ پزیشکێکی دیکه‌ کرا

پزیشكێكی تر له‌ سلێمانی كه‌وته‌ به‌ر ده‌ستڕێژی گولـله‌ی چه‌ند چه‌كدارێكی نه‌ناسراو و بریندار كرا.

شه‌وی ڕابردوو له‌ شه‌قامی سالم له‌ لایه‌ن سێ چه‌كداری نه‌ناسراوه‌وه‌ هێرش كرایه‌ سه‌ر دكتۆر "به‌ختیار ئه‌مین" پزیشكی پسپۆڕی ئێسك و شكاوی و بریندار كرا.

له‌مباره‌یه‌وه‌ په‌یامنێرمان پێی ڕاگه‌یاندین : شه‌وی ڕابردوو له‌ شه‌قامی سالمی شاری سلێمانی له‌ لایه‌ن سێ چه‌كداری نه‌ناسراوه‌وه‌ ده‌ستڕێژی گولـله‌ له‌ پزیشكێكی ناسراوی شاری سلێمانی به‌ ناوی د. به‌ختیار ئه‌مین، پزیشكی پسپۆڕی ئێسك و شكاوی كرا و به‌ سه‌ختی بریندار كرا.

شایه‌نی باسه‌ بۆچه‌ند جارێكه‌ له‌ ناو سه‌نته‌ری شاری سلێمانی هێرش ده‌كرێته‌ سه‌ر پزیشكان و بریندار ده‌كرێن و له‌سه‌ر ئه‌و هێرشانه‌ش كۆمه‌ڵه‌ی پزیشكان و كارمه‌ندانى ته‌ندروستی سلێمانی گردبوونه‌وه‌ی ناڕه‌زاییان ده‌ربڕیوه‌ و داوایان كردووه‌ سنوورێك بۆ ئه‌و دیارده‌یه‌ دابنرێت گیانی پزیشكان و كارمه‌ندانی بپارێزرێت.