40 هاووڵاتی كه له‌نێو حه‌وت ئۆتۆمبێلدا له شارۆچكه‌ی یوكسه‌كۆڤا سەربە پارێزگای هەکاری به هۆی خراپیی كه‌شوهه‌واوه گیرایانخواردبوو، رزگاركران.
به هۆی به‌رده‌وامیی به‌فربارینه‌وه له ناوچه‌كه‌دا، رێگای گوندی كادی كۆی به‌ڕووی هاتوچۆدا داخرا. دوای ئه‌وه‌ی ئه‌و خه‌ڵكه‌ی له رێگاكه‌دا گیریانخواردوو په‌یوه‌ندییان به به‌رپرسانه‌وه كرد، تیمه‌كانی راماڵینی به‌فر ده‌ستیان به هه‌وڵه‌كانیان كرد.
تیمه‌كان له میانی دوو كاتژمێردا رێگاكه‌یان كرده‌وه و 40 هاووڵاتییەکە توانیان به سه‌لامه‌تی ده‌ربچن.
فاتیح بایرام یه‌كێكه له‌و هاووڵاتییانەی كه به ئۆتۆمبێله‌كه‌یه‌وه گیریخواردبوو رایگه‌یاند، نه‌خۆشێكی بردووه بۆ نه‌خۆشخانه و له گه‌ڕانه‌وه‌دا رێگه‌یان لێگیراوه و ماوه‌ی دوو كاتژمێر له چاوه‌ڕوانیدا ماونه‌ته‌وه.
سه‌رچاوه - AA
دانانى هه‌واڵ - شوان عه‌زیز
کۆمێنت (0)
تا ئێستا هیچ کۆمێنتێک نەکراوە.