له‌راگه‌یاندراوێكدا به‌رێوه‌به‌رایه‌تى پۆلیسى گه‌رمیان له‌هه‌ژماری تایبه‌تى خۆیان له‌تۆڕی كۆمه‌ڵایه‌تى فه‌یس بووك بڵاوی كردیته‌وه ڕایده‌گه‌ێنێت: بەیانی ئەمڕۆ دووشەمە 7 ى 1 ى 2019 لەسەر ڕێگای کەلار - ناحییەی ڕزگاری ئۆتۆمبێلێکی بارهەڵگر دوو کرێکار بەناوەکانی (کاروان ڕۆستم علی) لەدایکبووی 1988 و (خەلیل عبداللە حەمەساڵح ) لەدایکبووی 1991 شێلا، لەئەنجامدا هەردووکیان گیانیان لەدەستدا .
پۆلیسى گه‌رمیان ڕاشیده‌گه‌ێنێت: ئەو دووهاوڵاتیەی گیانیان لەدەستداوە دانیشتووی ناحییەی ڕزگاری سەربەقەزای کەلارن بەمەبەستی کرێکاری بەیانی ئەمڕۆ لەماڵ هاتونەتە دەرەوە، لەئێستادا بەمەبەستی توێکاری تەرمەکانیان ڕەوانەی پزیشکی دادوەری قەزای کەلارکراوە و شۆفێری ئۆتۆمبێلەکەش بەبڕیاری دادوەر و بەپێی مادەی 24ی هاتووچۆ بەندکراوە.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.