كه‌كشار سلێمان پێشمه‌رگه‌ی كۆماری مه‌هاباد و هاوكات پێشمه‌رگه‌ی هه‌ردوو شۆرشی ئه‌یلوول و گوڵان، له ته‌مه‌نی 105 ساڵیدا كۆچی دواییكرد.
كه‌كشار سلێمان له ساڵی 1914 له شارۆچكه‌ی مێرگه‌سۆر له‌دایك بووه و وه‌كوو پێشمه‌رگه‌یه‌كی خۆبه‌خش به‌شداری له كۆماری كوردستان له مه‌هاباد كردووه و له كاتی به‌رگری كردن له كۆماری مه‌هاباد دوو برای شه‌هید بوونه.
دوای گه‌ڕانه‌وه‌ی بۆ خاكی نیشتمان وه‌كوو پێشمه‌رگه‌یه‌كی چاونه‌ترس و قاره‌مان به‌شداری له شۆڕشی ئه‌یلوولی مه‌زندا كردووه. پاش نسكۆی شۆڕش ئاواره‌ی ئێران بووه و له‌گه‌ل یه‌كه‌م چه‌خماخه‌ی شۆڕشی گوڵان چه‌كی پێشمه‌رگایه‌تی كردووه‌ته‌وه شان و به‌شداری قاره‌مانانه‌ی شۆڕشی كردووه.
كه‌كشار سلێمان مێرگه‌سۆری وێڕای ته‌مه‌نێك قوربانیدان بۆ كوردستان، له شۆڕشی گوڵاندا كوڕێكی به نیشتمان ده‌به‌خشێت و شه‌هید ده‌بێت.
رۆژی 4ی 1ی 2019 دوای ته‌مه‌نێك له خه‌بات و تێكۆشان له ته‌مه‌نی 105 ساڵیدا و به‌هۆی نه‌خۆشییه‌وه كۆچی دوایی كرد و له رێوڕه‌سمێكی شایسته‌دا و به ئاماده‌بوونی جه‌ماوه‌رێكی زۆری ده‌ڤه‌ری بارزان، له گۆرستانی شارۆچكه‌ی مێرگه‌سۆر به‌خاك سپێردرا.
ئه‌مڕۆ هه‌ینی 5-1-2019 یه‌كه‌م رۆژی پرسه‌ی كه‌كشار سلێمان مێرگه‌سۆری له هۆڵی بۆنه‌كانی مێرگه‌سۆر به‌ڕێوه‌ده‌چێت.
کۆمێنت (0)
تا ئێستا هیچ کۆمێنتێک نەکراوە.