وەزارەتی بەرگریی هۆڵەندا راگەیەندراوێک لەبارەی مەشقکردن بە هێزەکانی پێشمەرگەی کوردستان، بڵاو دەکاتەوە.
بەپێی راگەیەندراوەکە، کە ئەمڕۆ چوارشەممە 2-1-2019 بڵاو کراوەتەوە، فڕۆکە جەنگییەکانی هۆڵەندا کۆتایی بە ئەرکی خۆیان لە بۆردومانکردنی بنکە و بارەگاکانی رێکخراوی تیرۆریستی داعش لە عێراق و سووریا دەهێنن.
هەروەها لە راگەیەندراوەکەدا هاتووە، وەزارەتی بەرگریی هۆڵەندا لە هاوکاریکردن و مەشقکردن بە پێشمەرگە و سوپای عێراق بەردەوام دەبێت، چونکە هەروەک بێیلیڤڵد سخاوتنی وەزیری بەرگریی ئەو وڵاتە رایگەیاندووە، ”هێشتا شەڕى دژی داعش کۆتایی نەهاتووە“.
هۆڵەندا وڵاتێکی ئەوروپییەو بە چوار فڕۆکەی جۆری F16، بەشداریی هاوپەیمانیی نێودەوڵەتی دژی داعشی کردووە و ئێستاش ئەو فڕۆکانە بۆ کاری دیکەی هاوپەیمانیی ناتۆ، دەگەڕێنێتەوە وڵاتەکەی.
کۆمێنت (0)
تا ئێستا هیچ کۆمێنتێک نەکراوە.