سه‌رچاوه‌یه‌ك له پۆلیسی فیدراڵی رایگه‌یاند" له گوندی زلاجحه‌ى سه‌ر به قه‌زای حه‌ویجه گۆڕێكی به كۆمه‌ڵ دۆزراوه‌ته‌وه، كه رووفاتی نزیكه‌ی 200 كه‌سی تێدایه.
ئه‌و سه‌رچاوه‌یه وتیشی" ئه‌و كه‌سانه خه‌ڵكی گونده‌كانی ئه‌و ناوچه‌یه‌ن، كه له لایه‌ن داعشه‌وه گوللـه‌باران كراون، پاشان خراونه‌ته گۆڕێكی به كۆمه‌ڵه‌وه.
ئاماژه‌ی بۆ ئه‌وه‌شكردووه، زیاتر له مانگێكه وه‌زاره‌تی ته‌ندروستی عێراق ئاگادار كراوه‌ته‌وه، بۆ ئه‌وه‌ی رێكاری یاسایی بۆ هه‌ڵدانه‌وه‌ی گۆڕه به كۆمه‌ڵه‌كه بگرێته به‌ر، به‌ڵام تا ئێستا وه‌زاره‌تی ته‌ندروستی وه‌ڵامی داواكاری هاوڵاتیانی گونده‌كانی نه‌داوه‌ته‌وه.
کۆمێنت (0)
تا ئێستا هیچ کۆمێنتێک نەکراوە.