ئەمشەو كاردیناڵ پیترۆ پارۆڵێن سەرۆك وەزیرانی فاتیكان لە ڕێگەی فڕۆكەخانەی نێودەوڵەتیی هەولێرەوە گهیشته هەرێمی كوردستان .
كهمێك لهمهوبهر كاردیناڵ پیترۆ پارۆڵێن بەیاوەری شاندێكی فەرمی گهیشته فڕۆكەخانەی نێودەوڵەتیی هەولێرو لەلایەن كهریم شنگالى وهزیرى ناوخۆ و ژمارهیهك له بەرپرسانی حكومهتى هەرێمی كوردستان پێشوازی لێكراو بڕیاره له میانهى ئهو سهردانهیدا پارۆلین لهگهل گهوره بهرپرسانى ههرێمى كوردستان رهوشى مهسیحییهكان و پێكهوهژیان له ههرێمى كوردستان بیروڕا ئاڵوگۆڕ بكهن.
پارۆڵێن بەر لە دوو ڕۆژ بەیاوەری شاندێك و بەسەردانێكی فەرمی گەیشتبووە بەغدا و لەگەڵ عادل عەبدولمەهدی سەرۆك وەزیرانی عێراق كۆبووەوە.
ئەم سەردانەی كاردیناڵ پیترۆ كە كەسایەتی دووەمی فاتیكانە لە دوای پاپا فرانسیسی فاتیكان، لە كاتێكدایە هەرێمی كوردستان لەنێو جەژنەكانی سەری ساڵی نوێ و لەدایكبوونی مەسیح دان و هاووڵاتیانی مەسیحیی كوردستان و هەزاران ئاوارەی مەسیحی عێراق لە هەولێر داڵدە دهدرێن.
چاوەڕوان دەكرێت كاردیناڵ پیترۆ پارۆڵێن لەگەڵ هەریەك لە بهرێزان سەرۆك مەسعود بارزانی و نێچیرڤان بارزانی و مەسروور بارزانی كۆبێتەوە، لە بەرنامەشی دایە بەشداری لە كردنەوەی چەند پرۆژەیەكدا بكات.
کۆمێنت (0)
تا ئێستا هیچ کۆمێنتێک نەکراوە.