له‌راگه‌یاندراوێكدا كه‌وێنه‌یه‌ك ده‌ست مالپه‌ری كوردستان تیڤى كه‌وتووه ، به‌ڕێوه‌به‌رایه‌تى پۆلیسى پارێزگای سلێمانى ڕایده‌گه‌ێنێت ، لەدرێژەی كاروچالاكییەكانی بەش و بنكەكانی سەر بەبەڕێوەبەرایەتی پۆلیسی پارێزگای سلێمانی تۆمەتبارێك دەستگیركرا كە هەستاوە بەفێڵكردن لە هاوڵاتیان و پارەی لێوەرگرتوون كەگوایە دایان دەمەزرێنێت، زەوییان بۆ وەردەگرێت یاخود خانەنشینیان دەكات.
پۆلیسى سلێمانى ڕاشیده‌گه‌ێنێت ، لە ئێستادا تۆمەتبار (م ، م ،ع ) دانیشتوی شاری سلێمانیەو بە فەرمانی داوەرو بەپێی ماددەی 456 لەیاسای سزادانی عیراقی ڕاگیراوە.
له‌كۆتادا پۆلیسى سلێمانى داوا لە هاوڵاتیانی شاری سلێمانی دەكات كە بەو جۆرە كەسانە هەڵنەخەڵەتێن و لە كاتی بونی هەر ڕوداوێكی وا دەستبەجێ لایەنە پەیوەندیدارەكان و هێزەكانی پۆلیسی لێ ئاگادار بكەنەوە .
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.