دان كۆتیس به‌ڕێوه‌به‌ری ده‌زگای زانیاریی نه‌ته‌وه‌یی ئه‌مریكا له راپۆرتێكدا كه خستوویه‌ته به‌رده‌م دۆناڵد ترامپ، نووسیویه‌تیی كه حكومه‌تی ئێران به هاوڕێیه‌تیی چین و رووسیا هه‌وڵیانداوه تا ده‌ستوه‌ردان له دوایین هه‌ڵبژاردنی ئه‌مریكادا بكه‌ن، به‌ڵام نه‌یانتوانیوه دزه بكه‌نه ناو سیسته‌می ده‌نگدانه‌وه.
دان كۆتیس به‌ڕێوه‌به‌ری ده‌زگای زانیاریی نه‌ته‌وه‌یی ئه‌مریكا له به‌یاننامه‌یه‌كدا رایگه‌یاندووه كه رووسیا و چین و ئێران هه‌وڵی دزه‌كردنیان داوه بۆ ناو سیسته‌می هه‌ڵبژاردنه‌كانی ئه‌مریكا و كه‌مپینی بانگه‌شه‌یان رێكخستووه تا بتوانن بانگه‌شه بۆ به‌رژه‌وه‌ندییه هاوبه‌شه‌كانی خۆیان بكه‌ن له‌ناو ئه‌مریكادا و كاریگه‌ریی بخه‌نه سه‌ر ده‌نگده‌رانی ئه‌و هه‌ڵبژاردنه‌ی كه له هه‌فته‌ی یه‌كه‌می مانگی نه‌ڤه‌مبه‌ر ده‌نگیاندا به كاندیده‌كانی ئه‌نجومه‌نی نوێنه‌ران و كۆنگرێس.
كۆتیس له به‌یاننامه‌كه‌ی خۆیدا جه‌ختی له‌وه كردووه‌ته‌وه كه سه‌رباری هه‌وڵی تێكده‌رانه‌ی ئه‌م سێ وڵاته، به‌ڵام هیچ نیشانه‌یه‌ك له زیان گه‌یاندن به بناغه‌كانی سیسته‌می هه‌ڵبژاردنی ئه‌مریكا نییه و هیچ ئاسه‌وارێك له شێواندنی ژماره‌ی ده‌نگه‌كان به‌دی نه‌كراوه.
دواین هه‌ڵبژاردنی ئه‌مریكا بۆ هه‌ڵبژرادنی ئه‌نجومه‌نی نوێنه‌رانی ئه‌مریكا و یه‌ك له‌سه‌ر سێی ئه‌ندامانی كۆنگرێس به‌ڕێوه‌چوو كه تیایدا ئه‌نجومه‌نی نوێنه‌ران كه‌وته ده‌ستی دیموكراته‌كان و كۆماریییه‌كانیش له كۆنگرێس هێزی زۆرینه‌یان به‌ده‌ستهێنا.
مه‌سعود / كوردستان تی ڤی
سه‌رچاوه/ ده‌نگی ئه‌مریكا
کۆمێنت (0)
تا ئێستا هیچ کۆمێنتێک نەکراوە.