شه‌وى رابردوو ئیمانۆیل ماكرۆن سه‌رۆكى فه‌ره‌نسا وتارێكى له‌باره‌ى چاره‌سه‌ركردنى كێشه‌كان پێشكه‌شكرد .
له وتاره‌كه‌دا سه‌رۆكى فه‌ره‌نسا به‌ڵێنى دا، كه‌مترین مووچه به بڕى 7% زیاد بكرێت و له مانگى 5ى ساڵى داهاتوو ئه‌و بڕیاره بچێته بواری جێبه‌جێ كردنه‌وه.
ماكرۆن هه‌روه‌ها بڕیاریدا باج له‌سه‌ر ئه‌و كه‌سانه هه‌ڵبگریت كه كارى زیاتر ده‌كه‌ن و باجێكى نوێ بۆ ئه‌و كه‌سانه دابنێت كه مانگانه داهاتیان كه‌متر له 2000 یۆرۆیه.
هاوكات ماكرۆن راشیگه‌یاند: "هیچ توندووتیژییه‌ك له‌ژێر هه‌ر پاساوێك بێت نابێت ئه‌نجام بدرێت و ئارامى و رێكخراوه‌یى به‌رقه‌راربێت".
جێى ئاماژه‌یه هه‌زاران خۆپیشانده‌ر ماوه‌ى 2 هه‌فته‌یه له فه‌ره‌نسا رژاونه‌ته سه‌ر شه‌قامه‌كان بۆ كه‌مكردنه‌وه‌ى باج و نرخى سووته‌مه‌نی و هێزه ئه‌منییه‌كانیش رووبه‌ڕوویان بوونه‌ته‌وه و 1700 خۆپیشانده‌ر ده‌ستگیركراون.
ئاماده‌كردن و وه‌رگێڕان/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.