وەزارەتی پلاندانانی عێراق رایگەیاند كە بەغدا و یەكێتی ئەوروپا ژمارەیەك رێكەوتنیان بۆ پشتگیریكردن لە هەوڵەكانی دوای جەنگ مۆركردووە بە مەبەستی پتەوكردن و گەشەسەندن و شەفافیەت و نەهێشتنی پیسی ژینگەو هەڵگرتنەوەی بۆمبە چێنراوەكان .
فوئاد حوسێن جێگری سەرۆك وەزیرانی عێراق و وەزیری پلاندانان بە وەكالەت لە كۆنگرەیەكی رۆژنامەوانیدا رایگەیاند كە عێراق لە گەڵ یەكێتی ئەوروپا رێككەوتنێكی مۆركردووە تایبەت بە مەسەلەی جێبەجێكردنی نامەركەزی و پشتگیری كردن لە كەرتی نەوت و پشتگیری كردن لە گەڕانەوەی ئاوارەكان بۆ زێدی خۆیان ، هەروەها پوچەڵكردنەوەی بۆمبە چێنراوەكان و دووبارە بنیادنانەوەی شارە ئازادكراوەكان .
لە لایەن خۆیەوە نوێنەری یەكێتی ئەوروپا رایگەیاند كە ئێمە ناوەرۆكی كۆنگرەی كوێت جێبەجێ دەكەین و تەرجەمەی وتەكان بۆ كردەوە دەكەین ، ئەویش بە مۆركردنی 3 رێككەوتن كە یەكێك لەو رێككەوتنانە پشتگیری كردنی عێراقە بە بەخشینی 72 ملیۆن یۆرۆ بۆ بنیادنانەوەی ژێرخانی ئابووری .
رێكەوتنێك كراوە بە ئامانجی بەدیهێنانی سەقامگیری و گەشەسەندنی ژمارەیەك لە شارەكانی عێراق وەك ئەنبارو بەسرەو دهۆك و هەولێر و میسان و نەینەوا و سەلاحەدین و سلێمانی و زیقار بە گوژمەی 48,5 ملیۆن یۆرۆ ، هەروەها رێككەوتنیش مۆركراوە بە مەبەستی یارمەتیدانی عێراق بە گوژمەی 14 ملیۆن یۆرۆ ئەویش بۆ چاككردنی كەرتی وزە لە عێراق . جگە لە تەرخانكردنی بڕێكی دیكە بۆ گەراندنەوەی ئاوارەكان .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.