حكومه‌تی چین باڵیۆزی كه‌نه‌دای بانگكردووه تا ناڕه‌زایه‌تیی خۆی ده‌ربڕێت سه‌باره‌ت به ده‌ستبه‌سه‌ر كرانی خاتوو مێنگ وانژوو به‌ڕێوه‌به‌ری دارایی كۆمپانیای " هوواوی ".
حكومه‌تی چین له‌م بانگكردنه‌دا به باڵیۆزی كه‌ندای وتووه كه ئه‌گه‌ر بێت و كه‌نه‌دا ئه‌م هاوڵاتییه چینییه ئازاد نه‌كات، ئه‌وا ده‌رئه‌نجامی زۆر توند داوێنی ئه‌م وڵاته ده‌گرێته‌وه.
خاتوو مێنگ وانژوو كه كچی سه‌رۆكی كۆمپانیای " هوواوی "ـه، له‌سه‌ر داوای حكومه‌تی ئه‌مریكا له كه‌نه‌دا ده‌ستگیركراوه و تۆمه‌ته‌كه‌یشی ئه‌وه‌یه كه له نێوان ساڵانی 2009 تا 2014 یارمه‌تیی ئێرانیداوه تا سزاكانی سه‌ر خۆی تێپه‌ڕێنێت كه له‌لایه‌ن ئه‌مریكاوه بۆی دیاریكرابوو.
به‌گوێره‌ی وته‌ی سه‌رچاوه‌كانی هه‌واڵ ئه‌گه‌ر بێت و ئه‌م تۆمه‌ته له‌سه‌ر خاتوو وانژوو بسه‌لمێنرێت، له‌وانه‌یه سزای 30 ساڵ زیندانی بۆ دیاری بكرێت.
مه‌سعود / كوردستان تی ڤی
سه‌رچاوه/ رادیۆ فه‌ردا
کۆمێنت (0)
تا ئێستا هیچ کۆمێنتێک نەکراوە.