که‌رکوک.. شانه‌ نووستوه‌کانى داعش حه‌شدی شه‌عبیان هه‌راسان کردووه‌

دوای ڕووداوه‌كه‌ى چه‌ند شه‌وی رابردوو گه‌ڕه‌كی واستى كه‌ركوك كه‌ژماره‌یه‌ك چه‌كداری داعش رووبه‌رووی هێزه‌ عێراقیه‌كان بوونه‌وه‌ و له‌ئێستاشدا له‌چه‌ند ناوچه‌ و گه‌ڕه‌كێكى شاری كه‌ركوك داعش شانه‌ى نووستوی هه‌یه‌ و به‌شه‌وان له‌به‌رامبه‌ر حه‌شد و هێزه‌كانى دیكه‌ى عێراقی چالاكی له‌به‌رامبه‌ریان ئه‌نجامده‌دا

هه‌ڵۆ جه‌باری په‌یامنێری كوردستان تیڤى ڕایگه‌یاند لەبەرە بەیانی ئەمڕۆ پێنج شه‌ممه‌ 8 ى 11 ى 2018 ،  گەڕان وپشکنین لەگەڕەکی (حەی واستی) شاری کەرکوکـ لەلایەن هێزە ئەمنێەکانی کەرکوکـ وهێزی دژە تیرۆری عێڕاق دەستی پێکردووە به‌مه‌به‌ستى گه‌ڕان و ده‌ستگیر كردنى شانه‌ نووستوه‌كانى داعش له‌ناوچه‌كه‌  

ڕاشیگه‌یاند تائێستا گه‌ڕان و پشكنینه‌كه‌ به‌رده‌وامه‌ و  تا ئێستا له‌هه‌وڵه‌كانیان بۆ ده‌ستگیر كردنى چه‌كدارانى داعش سه‌ركه‌وتوو نه‌بوونه‌ نه‌یان توانیوه‌ باری ئاسایش بۆ ناوچه‌كه‌ بگه‌ڕێننه‌وه‌ و چه‌كداران ده‌ستگیر بكه‌ن

شوان عه‌زیز