دوای نزیكه‌ی مانگێك تێپه‌ڕین به‌سه‌ر ئازادیی ئه‌ندرو بڕانسۆن قه‌شه‌ی ئه‌مریكیی، كه له توركیا زیندانیكرابوو، حكومه‌تی ئه‌مریكا و توركیا ئه‌و سزایانه‌یان له‌سه‌ر یه‌كتریی هه‌ڵگرت كه به هۆی ناكۆكییه‌كانی نێوانیان سه‌باره‌ت به‌و قه‌شه‌یه درووست ببوو.
نزیكه‌ی سێ مانگ به‌ر له ئێستا حكومه‌تی ئه‌مریكا به هۆی بڕیاری ده‌ستبه‌سه‌ر كردن و زیندانیكردنی ئه‌ندرو بڕانسۆن له‌لایه‌ن حكومه‌تی ئه‌نقه‌ڕه‌وه، رایگه‌یاند: سزای خستووه‌ته سه‌ر عه‌بدولحه‌مید گیول وه‌زیری دادی توركیا و سوله‌یمان سۆیلو وه‌زیری ناوخۆی ئه‌م وڵاته.
دوای ئه‌مكاره‌ی ئه‌مریكا، توركیاش سزای خسته‌سه‌ر وه‌زیرانی داد و ئاسایشی ناوخۆی واشنتن، به‌ڵام له ئێستادا هه‌ردووك وڵات سزاكانیان له‌سه‌ر یه‌كتریی هه‌ڵگرتووه.
شایه‌نی ئاماژه‌یه كه كۆشكی سپیی تا ئێستا هیچ لێدوانێكی نه‌داوه سه‌باره‌ت به هه‌ڵگیرانی سزاكان.
سه‌رچاوه / ده‌نگی ئه‌مریكا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.