دوایین دانیشتنی پەرلەمانی کوردستان به‌ڕێوه‌چوو

ئەمڕۆ چوارشەممە 31-10-2018 خوولی چوارەمی پەرلەمانی کوردستان دوایین دانیشتنی ئەنجامدا.

به‌پێى راگه‌یاندراوی ده‌سته‌ى سه‌رۆكایه‌تى په‌رله‌مانى كوردستان به‌رنامه‌ی كاری دانیشتنه‌كه‌ دوو تەوەری لەخۆ گرت:

یه‌كه‌م: كۆتاییهاتنی خولی هه‌ڵبژاردنی چواره‌می په‌رله‌مان به‌پێى حوكمی مادده‌ی (6) له‌ په‌یڕه‌وی ناوخۆی په‌رله‌مانى كوردستان ـ عێراق.

دووه‌م: وتاری به‌ڕێز جێگری یه‌كه‌می سه‌رۆكی په‌رله‌مان به‌بۆنه‌ی كۆتاییهاتنی خولی هه‌ڵبژاردنی چواره‌می په‌رله‌مانی كوردستان ـ عێراق.

یه‌یامنێری كوردستان تیڤی رایگه‌یاند: ئه‌م كۆتا دانیشتنه‌ی په‌رله‌مان 99هه‌مین دانیشتنیه‌تی.

هه‌روه‌ها خولی چواره‌می په‌رله‌مان 206 پڕۆژه‌ی تاوتوێ كردووه‌ و له‌و 206 پڕۆژه‌یه‌ 6 پڕۆژه‌ی له‌ حكومه‌ته‌وه‌ هاتووه‌ و له‌ كۆی 206 پڕۆژه‌كه‌ ته‌نها 33 پڕۆژه‌ی كراوه‌ته‌ یاسا.