سەر لە بەیانی ئەمڕۆ فڕۆكەیەكی مەدەنی پڕ سەرنشینی كۆمپانیای لیۆن ئێری ئەندەنووسی لە دەریا كەوتە خوارەوە، لەو كاتەی لە جاكارتای پایتەختی ئەندەنووسیا بۆ شاری بانكال بینانجی دوورگەی سۆمەترە گەشتی دەكرد.
ئاژانسی بەدواداگەڕان و فریاكەوتنی ئەندەنووسیا لە زاری یوسف لەتیف گوتەبێژی ئاژانسەكە بڵاوی كردەوە، كە فڕۆكەكە 188 سەرنشینی تێدا بووە و كەوتووەتە خوارەوە، 13 خولەك بەر لەوەی بكەوێتە خوارەوە پێوەندی لەگەڵ فڕۆكەكە پچڕاوە و پاشماوەی فڕۆكەكە دوای كەوتنە خوارەوەی و نەمانی پێوەندی دۆزراوەتەوە.
بەرپرسێكی لیژنەی سەلامەتی گواستنەوەی ئەندەنووسیا لەبارەی هۆكاری كەوتنە خوارەوەی فڕۆكەكە گوتی، تا ئێستا هۆكارەكەی دیار نییە، كەوتنە خوارەوەی فڕۆكەكە لە كاتێكدایە كە یەكێكە لە فڕۆكە نوێكان و بەم دواییە خراوەتە خزمەت لەلایەن كۆمپانیای لیۆنی فڕۆكەوانی، هەروەها تا ئێستا هیچ زانیارییەك لەبارەی چارەنووسی سەرنشینانی ناو فڕۆكەكە نییە
کۆمێنت (0)
تا ئێستا هیچ کۆمێنتێک نەکراوە.