مامۆستایان یەكێكن لە چینە گرینگەكانی كۆمەڵگە و بەرەوپێشبردنی زانست مامۆستایانی زانكۆ لە ڕووی ئاستی خوێندن و رەوشی كۆلێژەكان و بەرەوە پێش بردنی ئاستی خوێندنی باڵا لە كوردستان و كارو بەرنامەی پارتی بەرز دەنرخێنن و پشتگیری لە لیستی ژمارە 183ی پارتی دەكەن.
ڕۆژگار شێخانی مامۆستای زانكۆ لە كولێژی ئاداب پشتگیری لە سەرخستنی لیستی ژمارە 183ی پارتی دیموكراتی كوردستان دەكات لە لێدوانێك وتی: بێگومان لەو رۆژەی كە پارتی دامەزرا،كۆمەڵگەی كوردی پێویستیان بە چەترێك و رێكخستنێكی سیاسی و كۆمەڵایەتی و سەربازی هەبوو تا بەرگری لە خەڵكی كوردستان بكات، دیارە هەر لەوكاتەشدا تا بەرۆژانی ئەمڕۆ دەگات ئامانجی پارتی خزمەت كردنی كوردستان بووەو بەكرداریش ئەوەی سەلماندووە. بۆیە هەمیشە بە مێژووی پڕ سەروەری پارتی سەربڵندین، بەتایبەتی رۆڵی پارتی لە چەسپاندنی پایەكانی دیموكراسی و هەنگاونان بەرەو كۆمەڵگەیەكی مەدەنی ، هەروەك ئاشكرایە كە شەڕەفی دامەزراندنی یەكەم بناغەی دیموكراسی لە مێژووی هەرێمی كوردستان بۆ جەنابی سەرۆك بارزانی دەگەڕێتەوە كاتێك لە مانگی ئاداری ساڵی 1991 لە شاری كۆیە داوای ئەنجامدانی هەڵبژاردنی كرد تاكو لە شەرعیەتی شۆڕشگێڕیەوە بچین بەرەو شەرعیەتی دەستووری، بۆیەش جێگای خۆیەتی هەموومان لە رۆژی 9/30 بچینە سەر سندووقی دەنگدان و دەنگیشمان بۆ لیستی 183 ی پارتی دیموكراتی كوردستان بێت، ئەو لیستەی دوێنێ لەسەنگەری بەرگری كەڕامەتی خەڵك و خاكی كوردستانی پاراست،چەندین قوربانی پێشكەش كرد لە پێناو مانەوەی قەوارەی دەستوری هەرێمی كوردستان، ئەمڕۆش لە پەرلەمانی كوردستان داوای مافەكانی خەڵك دەكات و دەبێتە نوێنەری راستەقینەی هاووڵاتیان. گرنگە خەڵكی كوردستان ئەو راستیە بزانێت كە پێویستە هەمووان دەنگ بە لیستی 183 ی پارتی دیموكراتی كوردستان بدەن تا لە پەرلەمانی كوردستانن بەرگری لە مافە رەواكانی گەلەكەمان بكەن. مێژووش شاهێدە پارتی لە كوێ بیت، ئاوەدانی و ئارامی و خۆشگوزەرانی لەوێیە، دڵنیاشم پارتی لەم هەڵبژاردنە سەركەوتنێكی بێ وێنەو مێژوویی تۆمار دەكات.
محمد مستەفا مامۆستای زانكۆ لە لێدوانێك پشتگیری خۆی بۆسەرخستنی لیستی ژمارە 183ی پارتی دیموكراتی كوردستان دەربری و وتی: هەروەك رون و ئاشكرایە هەڵبژاردن یان دەنگ دان واتە متمانە كردن بەو لیستە یان ئەو كاندیدەی كەوا دیاری ئەكەین، ئەمەش خۆی لەخۆیدا لە ناخی ئەو كەسەی كەوا لیستەكە یاخود كاندیدەكە دیاری دەكات دەبیت چەند پێوەرێكی هەبێت بۆ دیاری كردن، لێرە من ئەوەی مەبەستمە باسی بكەم دیاری كردنی لیستە نەك كاندید ، چونكە دیاری كردنی لیست كارە سەرەكیەكەیە ئەو پێوەرو بنەمایانە كەوا دەنگدەر ئەبێت لە كاتی دەنگداندا ڕەچاوی بكات ئەو خاڵانەی خوارەوەن بۆ دیاری كردنی ئەو لایەنەی متمانەی خۆی پێ دەبەخشێت پارتی لە ڕابردوسەرلماندویەتی كە داكۆكی كار بووە لە مافەنەتەوەیی و دەستورییەكان لە ڕووی كارگێری و بەرێوەبردنی وڵات خاوەن ئەزمونە لە رابووردووش بینیمان كە دەستێكی باڵای هەبوو لە ئاوەدان كردنەوەی وڵات و ئارامی و ئاسایشی وڵات ، لێرەوە ئەگەر سەیری ئەو خاڵانەی سەرەوە بكەین و شرۆڤەیان بكەین وە بیانكەینە پێوەر بۆ ئەوەی متمانەی خۆمانی لەسەر هەڵبەستین و ویژدانمان ئاسودە بكەین و نوێنەری ڕاستەقینەی خۆمان دیاری بكەین بێگومان دەبێت دەنگمان بۆ لیستی 183ی پارتی دیموكراتی كوردستان بێت، چونكە هەروەك لەپێشتر ئاماژەمان پێ كرد ئەو پێنج خاڵەی كە كردمانە پێوەر بۆ دەنگدان ئەگەر بێت و بەراوردیان بكەین لەگەل پارتی دیموكراتی كوردستان ڕێك هەمان خاڵ بەدی دەكەین و دەتوانین بێ دوو دڵی متمانەی پێ بكەین، چونكە پارتی دیموكراتی كوردستان بە دریژایی مێژوو خاوەن بە هەڵوێستترین حزب بووە وە پیشەنگ بووە لە شۆرشە نەتەوەییەكان وە خاوەنی هەزارەها شەهیدە لەرێگەی رزگاری خاك و نیشتمان، وە لەروی كارگێریەوە هەر لەسەردەمی كابینەی سێ تا ئێستا دەستی باڵای هەبووە لە ئاوەدانی و بەرەوە پێش چوون، وەشان بەشانی ئەوەش لەڕووی ئارامی و سەقامگیریش بووە بەو شوێنەی نەك تەنها خەڵكی ڕەسەنی هەرێمی كوردستان بەڵكو بووە بە جێگای حەوانەوەی ئاوارەو خەڵكانی تریش كەوا ناتوانن لە شوێنی نیشتەجێ بوونی خۆیان بە ئارامی بژین. بۆیە من بە زەروری دەزانم بەتایبەت لە ئێستادا دەنگمان بۆ ئەو لیستە بێت وە ئەوەی تا ئێستاش دەنگی بۆ ئەو لیستە نەبووە ئەمجارە ویژددانی خۆی ئاسودە بكات و دەنگ بەو لیستە بدات وە پاشان بریار بدات ئەو دەنگەی داویەتی بەراستی لە جێگای خۆی گرتووە.
مامۆستا شوان محمدامین خۆشناو مامۆستای زانكۆ لە لێدوانێكی بۆ ڕۆژنامەی خەبات پشتگیری خۆی بۆ سەرخستنی لیستی 183ی پارتی دیموكراتی كوردستان دەربڕی و وتی: مامۆستایانی زانكۆ بەگشتی كەهەڵگری بڕوانامەی باڵان و ئەكادیمی و پسپۆرن لەبوارە زانستییەكاندا? ئێمەش كە شارەزا و ئاگادارین لە بواری مێژوو پشتگیری و هاوسۆزیمان بۆلیستی 183ی لە ڕوانگەیەكی جیاوازترەوە سەرچاوەی گرتووە، لۆژیك بنەمای پشتگیریكردنمانە نەك ئایدیۆلۆژیایەكی دۆگما و ڕووت، پارتی مێژوویەكی دوور و درێژی خەبات و ئەزموونی بەرێوەبردنی هەیە لە هەلومەرجێكی دیاریكراو لەدایكبووە و لە هەناوی كۆمەڵگەی كوردی گەشەی كردووە و مۆركی رەسەنایەتی پێوەدیارە و پلان و بەرنامەی ستراتیژی نەتەوەخوازی هەیە ماڵی بارزانی واتە رێبەرانی پارتی بەئەزموونترین و شارەزاترینن بۆ گەیاندنی دۆزی كورد بە كەناری سەربەخۆیی ریفراندۆم دوا هەنگاوی پێش سەربەخۆیی بوو، لەم سۆنگەیەوە پاڵپشتی خۆمان دەردەبرین.
مامۆستا سالار علی لەك مامۆستا لەبواری زانستی كارگێڕی و دارایی من پشتگیری لە لیستی پارتی دیموكراتی كوردستان دەكەم بە دەنگ دان وە ئامادەبوونم لە ڕۆژی هەڵبژاردن بە خۆم و كەس و كارو دەوروبەرەكەم وە هاندانیان بە دەنگ دان بەو لیستە وە هاوكاری و كاركردنی بە گروپ و شەونخونی و ئامادەكاری بۆ كۆكردنەوەی دەنگی دەنگدەران بۆ ئەو لیستە، چونكە پێم وایە ئەمە تاكە لیستی خزمەت و ئاوەدانی و پارتی هەڵگری هەنگاو نانە بەرەو ئازادی زیاتر و سەربەخۆیی كوردستان بەتایبەت كاندیدانی بەتواناو بە ئەزمون و ماندو نەناس و خاوەن بڕوانامەی زانستی بەرزن وە پێم وایە ئەمە لیستی خوێنی شەهیدان و ڕەنجی نەوەی پێشمەرگەی كوردستانە بۆیە من دەنگ دەدەم بە لیستی ژمارە 183ی پارتی دیموكراتی كوردستان بۆ ئەوەی پاشە رۆژی خۆم و منداڵەكانم ڕوون بێت ئەو لیستەی كە سەرۆكەكەی پێشمەرگە و هەمیشە لە سەنگەری بەرگری دایە ئەو لیستەی دەریاییەك خوێنی بۆ ئازادی و پاراستنی كوردستان ڕشتووە بۆیە دەنگدان بە لیستی ژمارە 183 دەنگدانە بەو پێشمەرگەی كە بە گەرماو سەرما لە سەنگەرە دەنگدانە بە ئارامی و خوشگوزەرانی كوردستان و بەرەو پێش بردنی ئابوری.
سهرچاوه: رۆژنامهی خهبات
کۆمێنت (0)
تا ئێستا هیچ کۆمێنتێک نەکراوە.