هاووڵاتیان و كاسبكاران پاڵپشتی خۆیان بۆ لیستی 183 ی پارتی دیموكراتی كوردستان دەدەبڕن بۆ هەڵبژاردنی 30 ئەیلولی ئەمساڵ و هەڵبژاردنی پەرلەمانی كوردستان.
كاسبكاران پێیان وایە ئەم هەڵبژاردنە جیاوازتر دەبێت لەگەڵ هەڵبژاردنەكانی دیكە كە ئەنجامدراون، لەبەر ئەوەی هەڵبژاردنی 30 ی ئەیلول بۆ پەرلەمانی كوردستان كۆتایی بە قڕە و بڕەی لایەنە سیاسیەكانی دی دەهێنێت كە تا هەنووكە لە دەرەوەی حكومەت بوون، بۆیە پێیان زەرورە بەچوونە سەر سەندوقەكانی دەنگدان كۆتایی بەم قڕە و بڕەیە بهێنن.
چین و توێژەكانی كۆمەڵگا پاڵپشتی دەكەن بۆ سەرخستنی لیستی 183ی پارتی دیموكراتی كوردستان، وەك خۆیان دەڵێت پارتی خاوەن مێژوویەكی پڕلە سەروەرییە پارێزەران و یاساناسانیش چینێكی گرینگی كۆمەڵگەن و پێیان وایە پارتی تاكە حزبە لە ڕێگای مادە یاساییەكان كێشەكانی هەرێمی كوردستان چارەسەر دەكات، بۆیە ئەوان پاڵپیشتی خۆیان بۆ پارتی دیموكراتی كوردستان دەردەبڕین بۆ دەست هێنانی سەركەوتنی مەزن لە 30ی ئەیلولی داهاتوو.
یەكێكە لەو كاسبكارانەی بەبێزارییەكی زۆرەو گلەیی خۆی ئاراستەی تەواوی لایەنە سیاسیەكان دەكات، بەتایبەتیش ئەوانەی لەم دوایە كە بەرژەوەندییان نەما چوون بۆ دەرەوەی حكومەت. كاوێس عەبدوڵڵا دەڵێت: هەرچی زووە ئەم هەڵبژاردنە ئەنجامبدرێت، بەڵكو ئێمەش لەدەست موزایەدەی لایەنە سیاسی و بەرژەوەندیخوازەكان رزگارمان بێت كە تا هەنووكە خەڵكی ڕەش و ڕووتیان كردووە بە سووتەمەنی خۆیان، بۆ ئەوەش داوا دەكەم دەنگ بدەن بە لیستی 183ی پارتی دیموكراتی كوردستان و لیستی سەرۆك بارزانی.
ئا: هێمن ئاری
کۆمێنت (0)
تا ئێستا هیچ کۆمێنتێک نەکراوە.