ئه‌مڕۆ شه‌ممه 22 ى ئه‌یلولی 2018 له‌شاری سنه‌ی ڕۆژ هه‌ڵاتى كوردستان گه‌نجانى كورد به‌دروشمى ساڵڕۆژى ڕیفراندۆم پیرۆز بێت چه‌ند وێنه‌یه‌كیان به‌م بۆنه‌یه‌وه بڵاو كرده‌وه .
وێنه‌كان به‌شێكیان ده‌ست ماڵپه‌رى كوردستان تیڤى كه‌وتوون كه‌تێیدا گه‌نجانى كورد پێش وه‌خته پاڵپشت و پیرۆزبایی ساڵڕۆژى ئه‌و ڕۆژه پیرۆز ده‌كه‌ن كه‌تێكڕای كوردستانیان به‌سه‌رجه‌م پێكهاته‌كان له‌سه‌رجه‌م نه‌ته‌وه‌كان به‌ڵێیان ووت به‌ڵێ بۆ سه‌ربه‌خۆی كوردستان ، به‌ڵێ بۆ ئازادیمان
وێنه‌كانی گه‌نجانى كورد له‌پارێزگای سنه‌ى ڕۆژهه‌ڵاتى كوردستان به‌نهێنی گیراون و ئه‌و چاڵاكیه‌یان ئه‌نجامداوه كه‌تێیدا خۆشحاڵی خۆیان به‌ساڵڕۆژی ئه‌و پرۆسه‌یه ده‌رده‌بڕن كه‌بۆ هه‌میشه له‌مێژووی كوردستان ده‌مێنێته‌وه
له 25 ى ئه‌یلولی 2017 هه‌رێمى كوردستان به‌سه‌رجه‌م پێكهاته‌كانی چووه سه‌ر سه‌ندوقى ده‌نگدان به‌ڕێژه‌ى %93 به‌ڵێى ووت بۆ سه‌ربه‌خۆی كوردستان
به‌ڕێوه‌چوونى پرۆسه‌ى ریفراندۆمی كوردستان له‌پێناو سه‌ربه‌خۆی گه‌لی كورد به‌ڕابه‌رایه‌تى سه‌رۆك مه‌سعود بارزانى به‌ڕێوه‌چوو كه‌تێیدا سه‌ركه‌وتنى گه‌وره‌ى به‌ده‌ست هێنا به‌و ڕێژه زۆره‌ى ده‌نگه‌ى كوردستانیان كه‌به‌ڵێ یان ووت سه‌ربه‌خۆی تاكه ڕێگایه له‌به‌رده‌ممان تا بتوانین به‌ئازادی بژین و خاك و هاوڵاتیمان تێیدا پارێزراو بێت و بگه‌ین به‌سه رجه‌م مافه‌كانی گه‌لی كوردستان
شوان عزيز
کۆمێنت (0)
تا ئێستا هیچ کۆمێنتێک نەکراوە.