رۆماننووسى عێراقیی " عه‌بدولهادى سه‌عدوون " ئه‌و كاره‌سات و رووداوانه‌ی كه له‌م چه‌ند ساڵه‌ی دواییدا به‌سه‌ر عێراقدا هاتوون ، له رۆمانێك و له‌سه‌ر زاری سه‌گێكه‌وه ده‌یگێڕێته‌وه .
رۆمانه‌كه‌ی " سه‌عدون " به ناوی " یاداشته‌كانى سه‌گێكى عێراقی " ه ده‌نگدانه‌وه‌یه‌كی باشی هه‌یه و بۆ چه‌ند زمانێك وه‌رگێردراوه ، دواین جاریش له‌لایه‌ن " فارووق جه‌میل " بؤ سه‌ر زمانى كوردى هاتووه‌ته وه‌گێڕان و بڵاو كراوه‌ته‌وه .
ناوه‌رۆكی رۆمانه‌كه گێڕانه‌وه‌ى بیره‌وه‌رییه‌كانى و مێژووى چه‌ند ساڵه‌ى عێراقه له دوو قۆناغى جیاواز له لایه‌ن سه‌گێكه‌وه به ناوی " لیده‌ر " .
نووسه‌ری رۆمان ئاشكرایده‌كات ، نووسین له‌سه‌ر زمانى ئاژه‌ڵ، ته‌كنیكێكى كۆنه و بۆ هه‌زاران ساڵ به‌ر له ئێسته ده‌گه‌ڕێته‌وه، له‌وانه چیرۆكه‌كانى "كلیله و دمنه" له ئه‌ده‌بى هیندى كۆن و چیرۆكى "هیزۆپ" له ئه‌ده‌بى یۆنانى هه‌بووه، به‌ڵام له سه‌ده‌ى نوێدا یاداشته‌كانى سه‌گێكى عێراقی یه‌كێك له كاره گرنگه‌كان ده‌بێت .
كتێبی " یاداشته‌كانى سه‌گێكى عێراقی" له ساڵى 2012 ده‌رچووه و به ده‌یان نووسین و لێكۆڵینه‌وه‌ى له‌سه‌ر كراوه، به‌ڵام مانگى رابردوو له هه‌رێمى كوردستان له لایه‌ن وه‌رگێری كورد " فارووق جه‌میل كه‌ریم بڵاو كرایه‌وه ، ناوبروا تا ئێستا 6 كتێبی وه‌رگێراوه .
کۆمێنت (0)
تا ئێستا هیچ کۆمێنتێک نەکراوە.