زۆرێك له‌شۆفێران كاتێك گڵۆپی ئاماژه‌ی ڕۆن له‌نێو داشبۆردی ئۆتۆمبێله‌كانیان هه‌ڵده‌بێت، ڕۆنی بزوێنه‌ر ده‌گۆڕن‌و به‌وه‌ش كێشه‌كه چاره‌سه‌ر ده‌بێت، گڵۆپه‌كه ده‌كوژێته‌وه، به‌ڵام هه‌ندێك كات گڵۆپه‌كه به‌هه‌ڵبویی ده‌مێنێته‌وه، هۆكار چییه؟
ئاشكرایه هه‌ر سیستمێك یان پارچه سیستمێك له نێو ئۆتۆمبێل له‌كۆمه‌ڵێك پارچه‌ی بچوكتر پێكهاتون پێكه‌وه كاره‌كه ته‌واو ده‌كه‌ن، له‌كاتی بونی كێشه له‌یه‌كێكیاندا ته‌واوی سیستمه‌كه زیانی به‌رده‌كه‌وێت‌و ناتوانێت به‌باشی كاری خۆی بكات تا چاره‌سه‌ر نه‌كرێت.
دیاره سیستمی چه‌وركردنی ناو بزوێنه‌ریش هه‌مان شته، كاتێك كێشه له‌یه‌كێك له‌پارچه‌كان دروستببێت، گڵۆپی سیستمه‌كه هه‌ڵده‌بێت، یان گێچی فشاری ڕۆن كه‌م ده‌خوێنێته‌وه، بۆ ئه‌وه‌ش چه‌ند هۆكارێك هه‌یه كه ئه‌مانه‌ن:
1- بچڕانی وایه‌ری سه‌ر جۆزه‌ی ڕۆن‌و فیوزكردنی.
2- گیرانی بۆرییه‌كانی ڕۆن.
3- گیرانی پاڵپێوه‌ری سه‌ره‌تایی ناو كێسی ڕۆن.
4- پیسبونی پاڵپێوه‌ری سه‌ره‌كی ڕۆن.
5- تێكچونی جۆزه‌ی ڕۆن.
6- وه‌ستانی ئۆیڵ په‌مپ.
هه‌ریه‌ك له‌م خاڵانه زیان به‌بزوێنه‌ر ده‌گه‌یه‌نێت، به‌ڵام ئه‌گه‌ر هه‌ست به‌وه كرا ئۆیڵ په‌مپ سوتاوه یان له‌كاركه‌وتوه، ده‌بێت ده‌ستبه‌جێ بزوێنه‌ر له‌كاربخرێت، چونكه له‌و كاته‌دا به‌هیچ جۆرێك ڕۆن ناگات به‌بزوێنه‌ره‌كه‌و ئه‌وه‌ش ده‌بێته هۆی داخورانی پستۆنه‌كان‌و له‌كاركه‌وتنی ته‌واوه‌تی.
سه‌رچاوه - Traffic Fm Sulaimaniyah
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.