Erbil 33°C دووشەممە 15 تەمووز 08:34

ئافرەتێکی دیکەی ئێزدی ئازادکرا

له ‌لایه‌ن تیرۆریستانى داعشەوە ڕفێنرابوو
کوردستان TV
#7
100%


نوسینگەی ئازادکردنی ڕفێندراوە ئێزدییەکان لەدهۆک ڕایگەیاند، ئه‌مڕۆ چوارشه‌ممه‌، ئافره‌تێكی دیکەی ڕفێندراویان لەدەستی داعش ئازادکرووە.

حسێن کۆرۆ قاعیدی، بەرپرسی نووسینگەکە رایگەیاند، ئەو کچە ناوی (ف. حا ) و تەمەنی 18 ساڵە و خەڵکی گوندی وه‌ردیه‌ى نزیك قه‌زاى شه‌نگاله‌.

به‌رپرسى نووسینگه‌ى ڕفێنراوانى ده‌ستى تیرۆریستانى داعش له‌ شارى دهۆك ڕوونیشى كرده‌وه‌، له‌گه‌ڵ ده‌ستبه‌كاربوونى نووسینگه‌كه‌مان له‌ دواى ئه‌و كۆمه‌ڵكوژییه‌ى ڕووی دا توانیومانه‌ 3 هه‌زار و 326 كه‌س له ‌كۆى 6 هه‌زار و 417 ڕفێنراو ڕزگار بكه‌ین كه‌ له ‌لایه‌ن تیرۆریستانى داعشەوە ڕفێنراون.

قائیدى گوتى: وه‌كو  نووسینگه‌ى ڕفێنراوانى ئێزدیى ده‌ستى تیرۆریستانى داعش ماوه‌ى چوار ساڵه‌ له‌ سه‌ر ئه‌م كاره‌ به‌رده‌وامین و به ‌شه‌و و ڕۆژ كار ده‌كه‌ین بۆ ڕزگاركردنى ته‌واوى ڕفێنراوان له ‌ده‌ستى تیرۆریستانى داعش و بۆ كه‌یفخۆشیى كه‌سوكارى قوربانیان له‌ هه‌موو شوێنێک.

 

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.